Raportohet se Vedat Muriqi do ta nis nga minuta e parë ndeshjen e sontme të Lazios.

Në kuadër të Ligës së Evropës, Lazio përballet me gjigantin turk, Galatasaray, shkruan FrontOnline.

Sulmuesi i Kosovës e njeh mjaft mirë Galatën që prej kohës kur ishte pjesë e Fenerbahçes.

Në një konferencë për shtyp, Muriqi shpreson të shënojë dhe luajë sonte.

“Stambolli është një qytet i bukur dhe është një kënaqësi e madhe të kthehesh këtu. Unë jam sulmues dhe dua të shënoj, jam gati të bëj atë që duhet të bëj”, ka thënë Muriqi.

“Unë kisha COVID-19 në edicionin e parë me Lazio. Po përpiqem të jem në të njëjtin nivel me shokët e skuadrës. Është e vështirë të luash si startues në një ekip që ka luajtur së bashku për 5 vjet”, tregoi ai.

“Unë jam gati të jap kontributin tim, pastaj trajneri do të vendosë”, shtoi prizrenasi./FrontOnline/