Ministri i Financave, Hekuran Murati dhe ai i Bujqësisë, Faton Peci, sot kanë prezantuar buxhetin për vitin 2023 në Podujevë.
Sipas njoftimit të ZKM-së, buxheti për komunën e Podujevës pritet të jetë 27.5 milionë euro.
Pas Komunës së Gjakovës, sot, ministri i Financave, Punës dhe Transfereve, Hekuran Murati dhe ministri i Bujqësisë, Pylltarisë dhe Zhvillimit Rural, Faton Peci, e prezantuan buxhetin për vitin 2023 në Podujevë.
Buxheti i Komunës së Podujevës për vitin 2023 pritet të jetë afro 27.5 milionë euro. Në anën e tij, ministri Peci u shpreh se mbështetja ndaj bujqve do të jetë më e madhe se asnjëherë më parë. Ai tha se mbështetja për bujqit tanë, për herë të parë arrin vlerën prej 87 milionë euro, e që edhe me mbështetjen e fondeve të jashtme pritet ta kalojë shumën totale të 100 milionë eurove. Pas prezantimeve fillestare, ministri Murati së bashku me ministrin Peci patën rastin të bashkëbisedojnë me qytetarët, duke iu përgjigjur pyetjeve dhe komenteve tyre mbi ndarjet buxhetore dhe projektet për vitin tjetër.