Lajme

Muka – politikanëve rreth Covid-19: Merrni shembull vendet ku pyetet shkenca, e jo politika

Muka – politikanëve rreth Covid-19: Merrni shembull vendet ku pyetet shkenca, e jo politika
15:03 | 11 Korrik 2020

Epidemiologu shqiptar që punon në Zvicër, Taulant Muka, në një intervistë për Front Online ka folur për një menaxhim dhe një koordinim në mes të të gjithë akterëve vendor.

LEXO EDHE: Epidemiologu shqiptar në Zvicër: Covid-19 mund të zgjas deri 2 vjet, s’kthehet tek i njëjti person

Ai ka thënë se duhet të merren shembuj nga vendet si Zvicra, Gjermania, Suedia e Greqi ku në këto vende pyetet shkenca e jo politika.

“Shtetet më të suksesshme sot kanë vendosur shkencën në drejtimin e masave anti-Covid dhe jo politikën. Struktura anti-Covid-19 në Zvicër, Gjermani, Suedi, Greqi dhe shumë vende të tjera që kanë menaxhuar suksesshëm situatën sot janë drejtuar nga një ekip studiuesish të epidemiologjisë të mbështetur nga studiues të diagnostikës, virologjisë, menaxhimit spitalor, dhe komunikimit publik. Këto ekipe kanë bërë të mundur të implementohen strategji efikase të komunikimit publik dhe masa inteligjente në menaxhimin e situatës, dhe jo kontrolle policore sikurse ndodh në vendet tona. Për shembull, Zvicra ka lansuar aplikacionin SWiss Covid i cili përmes sinjalit të Bluetooth në celular mbledh të dhëna për kontaktet e 14 ditëve të fundit dhe të sinjalizon nëse një nga këto kontaktet diagnostikohet me Covid-19”, ka shpjeguar ai për Front Online.

Prince Caffe pjesëmarrës në panairin DUBAI EXPO 2021

Të tjera