Lajme

MSh: Rezultatet e laboratorëve privat përfshihen në të dhënat e përgjithshme të IKShPK-së

MSh: Rezultatet e laboratorëve privat përfshihen në të dhënat e përgjithshme të IKShPK-së
14:12 | 19 Gusht 2020

Që nga 10 gushti kur janë licencuar laboratorët e parë privatë për kryerjen testeve, rezultatet e tyre nuk janë përfshirë në raportin e çdoditshëm të Institutit të Shëndetit Publik.

Kështu ka ndodh së paku deri dje, kur për herë të parë të dhënat e këtyre institucioneve private janë përfshirë në statistikat e IKSHPK-së.

“…janë testuar gjithsej 494 mostra të marra nga ShSKUK, gjurmimi i kontakteve të rasteve në terren dhe laboratorët privatë, prej të cilëve rezultojnë 141 raste pozitive”, thuhet në raportin e djeshëm të Institutit.

Tek sot, rreth krejt kësaj çështjeje ka reaguar Faik Hoti, drejtori i zyrës për media të MSH-së.

“Shumë pyetje se a po raportohen testimet (PCR) nga laboratorët private dhe a janë përfshirë ato në të dhënat ditore të IKSHPK-së. Përgjigjen e keni pasur dje në njoftimin e IKSHPK-së”, ka thënë ai, teksa e ka shpërndarë edhe njoftimin e fundit të Institutit.

Megjithatë i njëjti nuk ka treguar se sa teste janë kryer nga laboratorët e licencuar nga vet ministria e Shëndetësisë.

Në raportin e djeshëm shihet se nga IKSHPK dhe këta laboratorë janë kryer 494 teste, numër ky që nuk dallon shumë me testet e ditëve të kaluar të bëra vetëm nga Instituti.

Gazeta ka analizuar raportet përditshme nga 11 gushti deri më 17, dhe ka parë se në secilën ditë janë kryer nga rreth 450 teste, përpos më 12 gusht që janë testuar 521 persona.

  • 17 gusht, 449 teste
  • 16 gusht, 440 teste
  • 15 gusht, 451 teste
  • 14 gusht 466 teste
  • 13 gusht, 491 teste
  • 12 gusht, 521 teste
  • 11 gusht, 463 teste

Deri tash 11 mijë e 686 persona kanë rezultuar pozitivë me SARS-CoV-2, prej tyre 416 kanë vdekur, 7 mijë e 562 janë shëruar, ndërsa raste aktive rezultojnë të jenë 3 mijë e 708.

Kush ështe kosovari THE VICTOR që synon tregun e jashtëm? (video)

Të tjera