Agjencia e urgjencës së Zelandës së Re u ka thënë banorëve në disa zona të drejtohen për në pjesën e tokës e cila është më e larta, pasi kanë paralajmëruar se do të ketë cunam, pasi një tërmet i fuqishëm goditi rajonin e Ishujve Kermadec, duke shkaktuar frikën e një cunami.

Tërmeti me magnitudë 8.1 ishte i treti i cili goditi këtë zonë, sipas Agjencisë për Menaxhimin e Emergjencave Kombëtare të Zelandës së Re.

Tërmeti gjithashtu shkaktoi një “orë cunami” në Hawaii dhe një paralajmërim për cunami në Samoan Amerikane.

Njerëzit pranë bregdetit duhet të “lëvizin menjëherë në tokën më të afërt të lartë, nga të gjitha zonat e evakuimit të cunamit, ose sa më shumë në brendësi të jetë e mundur. Mos qëndroni në shtëpi”, thotë agjensia e Zelandës së Re në faqen e saj të internetit.

“Tërmeti mund të mos jetë ndjerë në disa prej këtyre zonave, por evakuimi duhet të jetë i menjëhershëm pasi një tsunami i dëmshëm është i mundur,” lexon deklarata e agjencisë,shkruan CNN.