Bota/Rajoni

Momenti kur një grup i lag policët me benzinë duke brohoritur “ndizni flakë”

Momenti kur një grup i lag policët me benzinë duke brohoritur “ndizni flakë”
11:09 | 29 Shtator 2020

Policia britanike ka publikuar pamje të siguruara nga helikopteri, ku një person u hedh benzinë policëve.

Raportohet se policët i kanë dëgjuar këta persona duke thënë “kush ka çakmak, kush ka çakmak, t’ua vëmë flakën”, shkruan Daily Mail.

Incidenti është incizuar në Basildon të Britanisë vitin e kaluar, por u publikua sot si pjesë e një dokumentari të ri.

Policët kishin shkuar në vendin e ngjarjes pasi ishin njoftuar se dikush po e vozit motoçikletën në mënyrë të rrezikshme.

Personi që i lagu policët me benzinë është identifikuar si Justin Jackson, 28 vjeç. Një grup prej 20 deri 30 personash ishte mbledhur përreth për ta shikuar incidentin.

Më vonë, policisë i kishin shkuar përforcime me rreth 90 pjesëtarë shtesë dhe disa persona ishin arrestuar.

Njëri nga policët tha: “Nuk munda të shoh nëse ndonjëri prej tyre ishte duke pirë cigarel. Ishte një nga ato ditët kur kuptova se mund të mos arrija fare në shtëpi”.

 

 

Prince Caffe shpërblen për festa Fitoren me veturë Fiat 500

Të tjera