Vip

MKRS mbështet Komunën e Klinës për realizimin e projekteve të ndryshme

MKRS mbështet Komunën e Klinës për realizimin e projekteve të ndryshme
14:23 | 17 Shtator 2020

Ministrja e Kulturës, Rinisë dhe Sportit, Vlora Dumoshi, gjatë një vizite sot në Klinë, ka shprehur mbështetje për realizimin e projekteve të ndryshme, për çka tha se MKRS nuk ka bërë investime sa duhet në këtë komunë.

Pas takimit me kryetarin Zenun Elezaj, ministrja Dumoshi u zotua se do të mbështesë këtë komunë, për realizimin e projekteve të ndryshme me buxhetin e vitit 2021.

Dumoshi: MKRS nuk ka shumë investime në komunën e Klinës

“Të jem e sinqertë, MKRS nuk ka shumë investime në komunën e Klinës, në të cilën janë shumë të nevojshme për të cilat biseduam me kryetarin. Ne e kemi edhe stadiumin e qytetit të cilin MKRS do ta pajisë me karrige. Në aspektin e thirrjeve publike e kemi ndihmuar komunën me projekte të OJQ-ve, por kryetari e ka dërguar listën me projekte, të cilat mund t’i mbështesim në buxhetin 2021. Deri më tani hasa që komuna e Klinës nuk është po thuajse fare e mbështetur nga ministria”, ka thënë Dumoshi.

Ndërsa, kryetari i komunës së Klinës Zenun Elezaj, ka njoftuar ministren për të gjitha zhvillimet dhe nevojat që ka kjo komunë sa i përket rinisë, kulturës dhe sportit, derisa tha se pret bashkëpunim më të madh nga MKRS.

Elezaj: Biseduam për zhvillimet rreth rinisë, kulturës dhe sportit

“Patëm mundësi t’i shprehim të gjitha zhvillimet rreth rinisë, kulturës dhe sportit. Me ministren i diskutuam nevojat që kemi, por e falënderoj shumë për gatishmërinë që në të ardhmen do të ketë komuna e Klinës”, ka thënë Elezaj.

Dumoshi dhe Elezaj vizituan edhe stadiumin e qytetit, me ç’rast ministrja Dumoshi premtoi se MKRS do të kontribuojë me 1500 ulëse./

Natën e Kurban Bajramit Petrol Company shpërndan 40 pako ushqimore për fëmijët jetim në Kosovë

Të tjera