Mjekët kujdestarë në QKUK kanë dhënë detaje për të lënduarit nga shpërthimi i fuqishëm në Ferizaj.
Mjeku Agron Çitaku, ka thënë se deri tash në QKUK janë transferuar 14 persona, të cilët kanë lëndime të ndryshme.
“Nga ora 15:00 nga Spitali i Ferizajt na është kumtuar për një shpërthim ku ka pasur shumë të lënduar. Gjendja momentale e tyre është stabile edhe pse momentalisht e rëndë. Pesë janë trajtuar në sallën operative, teksa edhe katër prej tyre do të futën pastaj”, ka thënë ai
Sipas tij nga të lënduarit, më i riu është një person i lindur në vitin 2002.
“2002 është më e ulëta moshë, teksa 49 ma e larta. Gjendja e tyre është mesatarisht e rëndë nga plagët në pjesën e sipërme të trupit dhe në fytyrë”, ka deklaruar mjeku Çitaku.
Ndërkaq më herët gjatë ditës u bë e ditur se në gjendje më të mirë janë pacientët në Ferizaj të cilët kanë pësuar lëndime më të lehta./FrontOnline/
