Një grabitës është arrestuar përmes një operacioni efikas që ka zhvilluar Policia e Kosovës në Mitrovicë, ndërkohë që bashkëpunëtori i tij që ka marrë pjesë në grabitje është ende në arrati.
“Një person i dyshuar u soll para gjykatësit të Gjykatës Themelore në Mitrovicë, ku iu është caktuar masa e paraburgimit prej 30 ditësh. I njëjti është dërguar në mbajtje në Qendrën e paraburgimit në Mitrovicë”, ka bërë të ditur Policia e Kosovës përmes një njoftimi.
“Përmes një aksioni të shpejt dhe efikas të Policisë së Kosovës personi është arrestuar dhe është vënë nën kontroll, megjithëse gjatë arrestimit ka kundërshtuar dhe është sjellë me arrogancë, duke bërë rezistencë aktive ndaj punonjësve të policisë”, thuhet tutje në njoftim.
Policia ka thënë se nga Prokurori i Shtetit është dhënë urdhër ndalimi prej 48 orësh, dhe i njëjti u dërgua në qendrën e paraburgimit në mbajtjen e masës, deri në mbajtjen e gjykimit.
