Ministria e Mbrojtjes e konfirmon arrestimin e zyrtarit të saj, por nuk e di nëse atë e ka arrestuar Eulex, me urdhët të Tribunalit Special.
Sali Mustafa, zyrtar civil i Ministrisë së Mbrojtjes dhe ish-shef i inteligjencës së FSK’ është arrestuar sot. Këtë e konfirmon edhe zëdhënësi i ministrisë, Ibrahim Shala.
“Po e konfrirmojmë arrestimin e zotit Sali Mustafa zyrtar civil në Ministrinë e Mbrojtjes”.
Megjithatë ministria akoma nuk ka informata se kush e arrestoi zyrtarin e saj.
“Si Ministri e Mbrojtjes ende nuk kemi informacion zyrtar. Jemi në pritje të njoftimit zyrtar për shkaqet e arrestimit. Kurë do ta kemi informacion shtesë do të ju njoftojmë me kohë.”, ka thënë Shala për Express.
Ndryshe, mediat kanë raportuar se Mustafa është arrestuar nga Eulex-i dhe familjarët e tij kanë thënë se Mustafën e kanë çuar në Hagë.
