Lajme

Pse iu ndalua hyrja në Kosovë ministrit serb?Flasin nga Ministria e Jashtme

Pse iu ndalua hyrja në Kosovë ministrit serb?Flasin nga Ministria e Jashtme
14:10 | 21 Qershor 2021

Kosova nuk e ka lejuar vizitën e ministrit të Sportit të Serbisë, Vanja Udoviçiq. Këtë e kanë konfirmuar nga Ministria e Punëve të Jashtme dhe Diasporës

“Ju konfirmojmë se Ministria e Punëve të Jashtme dhe Diasporës nuk e ka aprovuar kërkesën e ministrit të Qeverisë serbe për të hyrë në Republikën e Kosovës”, thuhet në përgjigjen e MPJD-së  për FrontOnline.

MPJD-ja nuk ka dhënë arsye për refuzimin e kërkesës ndaj Udoviçiqit.

Në anën tjetër, refuzimi i vizitës së ministrit serb në Kosovë ka ngjallur reagime në Serbi.

Drejtori i të ashtuquajturës Zyrë për Kosovën në Qeverinë e Serbisë, Petar Petkoviq, e ka quajtur arrogancë të institucioneve të Kosovës vendimin për të mos e lejuar hyrjen e ministrit të Sportit të Serbisë, Vanja Udoviçiq.

“Lidhur me qëndrimin e tij në Kosovë u njoftua zyrtarisht në përputhje me të gjitha marrëveshjet dhe procedurat, por përkundër se Prishtina në mënyrë të njëanshme dhe arbitrare vendosi të mos e lejojë vizitën”, ka deklaruar Petkoviqi.

Kush ështe kosovari THE VICTOR që synon tregun e jashtëm? (video)

Të tjera