[wp-story]

Hulumtime

Ministri Zemaj në fund të mandatit politizon Odat shëndetësore (Dokument)

Ministri Zemaj në fund të mandatit politizon Odat shëndetësore (Dokument)
13:33 | 22 Shkurt 2021

Ditët në krye të Ministrisë së Shëndetësisë i ka të numëruara.

Por, edhe ato pak që i kanë mbetur ministri Armend Zemaj po i shfrytëzon për t`i politizuar organizatat shëndetësore, shkruan Front Online.

Së fundmi, ai e ka rehatuar si anëtar të Këshillit Drejtues të Odës së Infermierëve, Fitim Havollin, një bashkëpartiak të tij.

Këtë e ka bërë përmes një vendimi të marrë me datën 2 shkurt të këtij viti, kohë kjo kur emri i këtij të fundit veçse figuronte bashkë me atë të Zemajt në listën e kandidatëve për deputetë të LDK-së në zgjedhjet e të dielës së 14 shkurtit.

 

Emërimi i tij si i tillë bie ndesh me nenin 17 të ligjit për Odat e Profesionistëve Shëndetësor, shkruan Front Online.

Ai obligon që kryetari i Odës, zëvendëskryetarët, anëtarët e këshillit drejtues të jenë të “zhveshur” nga funksionet të tjera publike dhe politike, me përjashtim të dy rasteve.

Së pari në ato raste kur personi i zgjedhur ushtron funksion profesional mjekësor dhe së dyti në ato kur i emëruari jep mësim.

Për shkeljen e Ministrit Zemaj reagim ka pasur edhe nga vetë Oda e Infermierëve.

Kryetari i saj, Naser Rrustemaj një prononcim për Front Online ka shprehur shqetësimin e tij lidhur me politizimin e këtij institutcioni.

“Oda e Infermierëve, mamive dhe profesionistëve tjerë shëndetësor shpreh shqetësim se vendimi për emrimin e anëtarëve të Këshillit Drejtues është në kundërshtim me ligjin për Odat e Profesionistëve Shëndetësor me numër Nr. 04/L-150. Neni 17 i këtij Ligji precizon se Kryetari i Odës, zëvendëskryetarët, anëtarët e këshillit drejtues dhe sekretari i përgjithshëm nuk mund të jenë persona të zgjedhur dhe të emëruar në funksione tjera publike dhe politike, përveç profesionale mjekësore dhe në mësimdhënie”, u shpreh Rrustemaj për Front Online.

Ndryshe, Lidhja Demokratike e Kosovës, pjesë e të cilës janë Havolli e Zemaj, në zgjedhjet e 14 shkurtit ka dalë e treta.

Ajo dhe partitë e tjera shqiptare me gjasë do të mbesin në opozitë meqë partia fituese e zgjedhjeve, Lëvizja Vetëvendosje do ta arrijë ta formojë vetë qeverinë.

Kjo e fundit, pa votat me kusht e ato diasporës, aktualisht numëron 47.8 % të votave apo 56 ulëse.

 

 

“Petrol Company” ndihmon më shumë se 200 familje për festën e Fitër Bajramit (VIDEO)

Të tjera