Bota/Rajoni

Ministri indian: Kina i ka humbur së paku 40 ushtarë gjatë përleshjes në kufi

Ministri indian: Kina i ka humbur së paku 40 ushtarë gjatë përleshjes në kufi
10:00 | 21 Qershor 2020

Një ministër i qeverisë federale në Indi ka thënë se Kina i ka humbur së paku 40 ushtarë gjatë përleshjes me ushtrinë indiane në një zonë të kontestuar kufitare gjatë kësaj jave.

Në anën tjetër, Kina nuk ka thënë asgjë për humbjet në luftimin me shkopinj që ndodhi në Ultësirën e Galvanit, në pjesën perëndimore të Himalajeve, ku 20 ushtarë indianë u vranë dhe së paku 76 të tjerë u lënduan.

“Nëse 20 janë martirizuar në anën tonë, atëherë do të ketë qenë së paku dyfishi në anën e tyre”, tha V.K.Singh, ministër i Transportit.

Sidoqoftë, Singh, i cili më herët ka shërbyer si komandant ushtrie, nuk ofroi ndonjë dëshmi për ta mbështetur deklaratën e vet. Ai tha se Kina historikisht nuk ka pranuar se ka pësuar humbje në ndonjë luftë, përfshirë konfliktin e vitit 1962 me Indinë.

Palët e kanë akuzuar të shtunën njëra-tjetrën për shkelje të kufirit që u bë arenë e përleshjes së parë të përgjakshme në gjysmëshekullin e fundit.

Pavarësisht bisedimeve mes komandantëve lokalë të të dyja ushtrive për uljen e tensioneve, trupat po qëndrojnë në gjendje gatishmërie në disa lokacione.

Sekretari amerikan i Shtetit, Mike Pompeo, e ka kritikuar Kinën për rritjen e tensioneve kufitare me Indinë.

Prince Caffe shpërblen për festa Fitoren me veturë Fiat 500

Të tjera