×
  • Lajme
  • Lajme

    Ministri i Pushtetit Lokal: S’mund të ketë Asociacion njëetnik

    FrontOnline
    21 Nëntor 2021

    Ministri i Administrimit të Pushtetit Lokal, Elbert Krasniqi ka folur për dialogun me Serbinë dhe mundësinë e krijimit të Asociacionit të komunave me shumicë serbe.

    Krasniqi theksoi se dialogun me Serbinë e udhëheqë kryeministri, duke shtuar se nuk ka ndonjë angazhim në këtë drejtim.

    Përderisa për Asociacionin e komunave me shumicë serbe tha se nuk mund të jetë njëetnik, ngase Kosova është shoqëri multi-etnike, duke përsëritur në këtë mënyrë frazën që e thotë vazhdimisht kryeministri Albin Kurti kur flet për këtë temë.

    “Diskutimet për dialogun me Serbinë i udhëheqë kryeministri. Kështu që deri më tani nuk kam ndonjë angazhim në këtë drejtim. Gjithçka në Kosovë deri sot është ndërtua me idenë që Kosova është shtet multi-etnik dhe në një shtet multi-etnik nuk mund të ketë Asociacion njëetnik”.

    Tutje, Krasniqi ka thënë se duhet të koordinohet me komunat për punën dhe interesat e tyre që të jenë zëri i tyre në Qeveri.

    Sipas tij, nga granti qeveritar vitin tjetër komunat do të përfitojnë në vlerë prej 8.5 milionë euro, përderisa çdo vjet me nga 6 milionë euro do të mbështeten komunat.

    “Si ministri mandati jonë është që të koordinohemi me komunat e Kosovës për punën dhe interesat e tyre dhe të jemi në një far forme edhe zëri i tyre në Qeveri dhe të mbrojmë interesat e tyre dhe të shtyjmë agjenda përpara nga niveli qendror në nivelin lokal. Bashkëpunimi me kryetar të komunave ka qenë shumë i mirë dhe besoj që edhe me administratën e re do të vazhdojmë të kemi bashkëpunim të mirë për shkak se interesi ynë i përbashkët është qytetari dhe shërbimet të cilët qytetarët duhet ta kenë edhe nga niveli lokal”.

    “Dy programe të cilat si ministri i kemi arritur t’i dakordojmë me partnerët tanë janë të rëndësishëm për administrate e reja të komunave. Do të thotë programi i grantit të performancës i cili nga një shumë totale 3.5 milionë sa ishte këtë vit, vitin tjetër komunat do të përfitojnë në vlerë prej 8.5 milionë euro. Për 4 vjet kemi arritur me BE-në të kemi një shumë prej 35 milionë eurove në mbështetje për 4 vjetët e ardhshme për komunat e Kosovës”.

    “Një program që ka qenë në ministrinë tonë për mbështetje socio-ekonomike në vlerë prej 2 milionë euro kemi arritur të kemi marrëveshje më ministrinë e Ambientit dhe komunat. 6 milionë euro në vit do të jenë mbështetje nga këto tri burime për projektet që burojnë nga qytetari. Unë nuk bëjë dallim me komunat. 38 komuna janë të njëjta në pikëpamjet tona dhe ne mundohemi të kemi bashkëpunim korrekt dhe të drejtë me secilin prej tyre”.

    Mes tjerash, Krasniqi përmendi edhe vizitën në ShBA duke e konsideruar mjaft të rëndësishëm.

    “Ishim në një vizitë në Ajoha dhe në Neë York që kishte të bënte në dy kompani të rëndësishme. E para ishte binjakëzimi i disa komunave të Kosovës me qytete të Ajohës dhe disa të tjera të cilat janë në proces që kanë ngecur për shumë kohë dhe ne ishim atje që t’i dakordojmë këto procese dhe vitin e ardhshëm do të kemi vizitë nga kryetarët e komunave të cilat janë binjakëzuar. Bashkëpunimi me qytetin e Ajohës është shumë i rëndësishëm, por nga diskutimet tona ishte që në këtë binjakëzim të ketë s amë shumë bashkëpunime”, u shpreh Krasniqi për EO.

    KESCO u certifikua me tri ISO Standarde
    Nga Rubrika
    Lajme20 Korrik 2024
    A po i pastroni fëmijët tuaj më shpesh sesa duhet? Udhëzimet për t’i mbajtur fëmijët tuaj të pastër ndryshojnë shumë pasi rriten...
    Lajme20 Korrik 2024
    Sllavica Radovanoviq, kolonele në pension e Policisë së Serbisë, ka kritikuar publikisht ministrin e Punëve të Brendshme të Serbisë, Ivica Daçiq, për...
    Lajme20 Korrik 2024
    Policia e Kosovës ka bërë të ditur se sot ka intervistuar një person, i cili dyshohet se e ka ndihmuar Faton Hajrizin...
    Të tjera
    Lajme20 Korrik 2024
    Ministrja e Punëve të Jashtme, Donika Gërvalla, ka thënë se trupi i Faton Hajrizit, të vrarë nga policia serbe duhet të kthehet...
    Lajme20 Korrik 2024
    Agim Musliu nga instituti “Octopus” ka shkruar për atë që ka ndodhur në Serbi përgjatë këtyre tre ditëve, ku një polic serb...
    Lajme20 Korrik 2024
    Kryeministri i vendit, Albin Kurti, ka vizituar Festivalin Anibar që po mbahet në komunën e Pejës. Kurti qëndroi në Galerinë e Arteve...
    Lajme20 Korrik 2024
    Faton Hajrizi intervistën e fundit televizive e kishte dhënë para 10 muajve. Në të ai kishte rrëfyer se si ishte burgosur, e...
    Lajme20 Korrik 2024
    Presidentja e vendit, Vjosa Osmani, është takuar me kryeministrin e Islandës, Bjarni Benediktsson, ku tha se ishte pikërisht Islanda, vendi që i...
    Lajme20 Korrik 2024
    Disa nga të burgosurit shqiptarë në Greqi, kanë njoftuar se kanë filluar një grevë urie. Ata thonë se këtë po e bëjnë...

    FrontOnline, © 2024 Të gjitha të drejtat e rezervuara.