×
  • Lajme
  • Front TV
  • Front TV

    “Mini-Shengenit” do t’i ndryshohet emri

    FrontOnline
    23 Shtator 2020

    Të hënën në rezidencën e Ambasadorit amerikan në Beograd janë takuar Krerët e Odës Ekonomike të Kosovës Berat Rukiqi dhe ai i Odës Ekonomike të Serbis, Marko Çadezh ne qëllim të lehtësimit të Marrëveshjes për normalizim ekonomik në mes të dy vendeve.

    Kreu i OEK-ut, Berat Rukiqi, në një interviste për Front Online ka treguar detaje për takimin e mbajtur në Beograd.

    Ai ka treguar se takimet kanë qenë për zotim të të dy odave për lehtësim të Marrëveshjes së Uashingtonit.

    “Takimet kanë qenë kryesisht të orientuara në implementimin e Marrëveshjes së Uashgtonit, dhe ka pasur një zotim nga të dyja odat se do të kontribuojnë në zbatimin e këtyre marrëveshjeve”, ka thënë Rukiqi.

    Rukiqi: Do të krijohen grupe punuese të Odave për konkretizim të Marrëveshjes së Uashingtonit

    Sipas Rukiqit të dyja palët janë dakorduar për krijimin e grupeve punuese në mënyrë që të identifikohen barrierat tarifore dhe jo tarifore në midis bizneseve të Kosovës dhe Serbisë.

    “Tash do të krijohen grupet të cilat në radhë të parë do të identifikojnë barrierat për të mundësuar implementimin e Marrëveshjen e Uashingtonit, ne e dimë që kemi edhe shumë barriera jo tarifore në mes të Kosovës dhe Serbisë , por do të krijohen edhe grupe punuese për projekte të veqanta që janë grupe që ne do të i bëjmë varësisht prej projektit tonat, në bashkëpunim me Qeverinë e Kosovës”, ka thënë ai.

    Çka u diskutua në takimin e Odave në Beograd? Flet Berat Rukiqi

    I pari i OEK-ut, Berat Rukiqi ka treguar për Front Online se në iniciativën rajonale të njohur si “Mini-Shengeni Ballakanik” do të ketë ndryshime si në përmbajtje dhe po ashtu edhe ndërrim i emërtimit.

    “Tash po mendohet që në kuadër të kësaj iniciative që ndoshta edhe do t’i ndryshohet emri, “Minishengenit” ose iniciativa që po quhet për katër liritë e lëvizjes të trajtohet edhe një pjesë e barrierave”, tha ai për Front Online.

    Ai ka thënë se tani do të ketë involvim direkt të mekanizmave ekonomik e jo protagonizëm politik.

    “Pikërisht është kjo që fokusi të jetë tek përmbajtja jo të protagonizmi politik, katër liritë e lëvizjes janë drejtpërdrejtë të lidhura në ç’rregullimin e lirë të mallrave, të shërbimeve të personave, dhe të kapitalit”, është shprehur Rukiqi.

    Rukiqi ka thënë se në këtë takim është diskutuar që parakusht për implementimin e Marrëveshjes së Uashingtonit është që të tejkalohen barrierat.

    “Është përmendur që parakusht edhe i implementimit të Marrëveshjes së Uashingonit dhe i projekteve infrastrukturore, mënyrë që të nxirre sa më shumë përfitime parakusht është eliminimi i këtyre barrierave”, ka thënë Rukiqi.

    Ahmeti: Takimi i dy Odave tregon për konkretizim të Marrëveshjes së Uashingtonit

    Njohësi i çështjeve ekonomike, Bardh Ahmeti në intervistë për Front Online ka thënë se takimi i Odës Ekonomike të Kosovës dhe asaj të Serbisë është I mirëseardhur, dhe tregon për konkretizim të Marrëveshjes së Uashingtonit.

    “Takimi i Odës Ekonomike të Kosovës me atë të Serbisë nën patronimin e Shteteve të Bashkuara të Amerikës është i mirëseardhur, pasi unë këtu e lexoj një përkushtim të sinqertë të shtetit amerikan për të i dhënë vlerë konkrete marrëveshjes për normalizim të marrëdhënieve ekonomike në Uashington në zyrën ovale”, ka thënë Ahmeti për Front Online.

    Ahmeti është shprehur se me këtë bashkëpunim dhe ndërmjetësim të ShBA-ve përfitojnë grupe të ndryshme të ekonomisë.

    “Edhe sektori privat drejtpërdrejtë mund të përfitojë nga instrumentet e DFC-së, madje prekin edh e grupe të margjinalizuara që janë në shoqëri, si për shembull financimi i grave ndërmarrëseve e të tjera”, ka thënë Ahmeti./Front Online

    Delegacioni nga Drake University viziton Devolli Corporation, njësinë Prince Caffe
    Nga Rubrika
    Lajme28 Mars 2024
    Kryetari i Aleancës për Ardhmërinë e Kosovës, Ramush Haradinaj ka thënë se sa i përket kërcënimeve të  paralajmëruara në veri, çdoherë ekziston...
    Lajme28 Mars 2024
    Kryeministri i Kosovës, Albin Kurti, e ka komentuar sërish rregulloren e Bankës Qendrore të Kosovës, duke thënë se në komunat veriore pa...
    Lajme28 Mars 2024
    Posta e Kosovës, përmes Filatelisë së saj nga sot lëshon në qarkullim të rregullt postar emisionin e ri të pullave postare “Fauna...
    Të tjera
    Lajme28 Mars 2024
    Policia e Kosovës ka gjobitur dy vozitës, të cilët po garonin me vetura në rrugën Prishtinë – Mitrovicë. PK ka bërë të...
    Lajme28 Mars 2024
    Ministri i Administrimit dhe Pushtetit Lokal, Elbert Krasniqi, ka njoftuar se kanë ndarë tetë milionë euro në 11 komuna të Kosovës. Krasniqi...
    Sport28 Mars 2024
    Mesfushori i Milanit, Ismael Bennacer mund të jetë potencialisht në treg, me Arsenalin dhe klubet nga Arabia Saudite të interesuar për të....
    Lajme28 Mars 2024
    Policët të mbështetur edhe nga Njësia e Reagimit të Shpejtë në Ferizaj kanë arritur ta arrestojnë personin e kërkuar, i moshës 38...
    Lajme28 Mars 2024
    Komiteti për politikë dhe demokraci i Asamblesë Parlamentare të Këshillit të Evropës e ka miratuar dje raportin për Kosovën, duke i hapur...
    Lajme28 Mars 2024
    Kryeministri Albin Kurti ka kujtuar demonstratat popullore të vitit 1989, në 35 vjetorin e tyre. Kurti në një postim në Facebook, ka...

    FrontOnline, © 2024 Të gjitha të drejtat e rezervuara.