“Rossonerët” regjistruan fitore me rezultat të pastër 2-0 kundër Venezias në “San Siro”.
Në një duel të dominuar totalisht nga “kuqezinjtë”, mjaftuan vetëm dy gola për pikët e plota që e rikthejnë Milanin në vendin e dytë.
Për epërsinë e parë të Milanit është dashur të pritej minuta e 68-të që Ibrahim Diaz ta dërgonte topin në kuadrat.
Tetë minuta pa përfunduar koha e rregullt, mbrojtësi anësor Hernandez me golin e dytë “vulosi” fitoren e Milanit para shikuesve të vetë.
Milani është në vendin e dytë me 13 pikë, aq sa ka edhe rivali lokal, Interi.
Venezia pozicionohet në vendin e 18-të me vetëm tri pikë të tubuara.
