Ditë më parë, ish-deputeti dhe gazetari Milaim Zeka, ka deklaruar se Gjykata Speciale do t’i ngritë aktakuzë këtë javë Azem Sylës dhe Adem Grabovcit.

Ndaj këtyre deklaratave që Zeka i kishte bërë në Kanal 10, Daut Haradinaj kishte thënë se “Milaimi po i merr informacionet në Beograd”.

Në anën tjetër, sot Milaim Zeka ka deklaruar në “Prime Time” të Kanal 10 se Haradinaj “ia ka fut kot”.

“Dauti ja ka fut kot atë natë në debat dhe Dauti ja fut kot shpesh. Unë mbrëmë jam takuar edhe personalisht me Dautin dhe më ka kritikuar se po i shqetësoj familjet duke përmendur emrat e të akuzuarve të mundshëm nga Specialja”, ka thënë Zeka.

Ai ka thënë se vazhdon të ketë miqësi me Daut Haradinajn dhe ai e di që personalisht Zeka nuk ka informator në Beograd.