Drejtori Ekzekutiv i Institutit të Kosovës për Drejtësi, Ehat Miftaraj thotë se përveç institutit të rehabilitimit ligjor, duhet të ekzistojë edhe instituti i rehabilitimit politik.

Kjo sipas tij sepse ka persona që po i ndërrojnë qëndrimet dhe partitë çdo dy tre vjet.

Ai me ironi thotë se këtyre personave duhet tu mundësohet që të kërkojnë shkatërrimin dhe fshirjen e çdo deklarate të tyre në media për kundërshtarët politik por edhe për partinë ku janë marrë me qira.

Ky është postimi i tij i plotë:

Përveç institutit të rehabilitimit ligjor, jeta po na tregon se duhet të ekzistojë edhe instituti i rehabilitimit politik.
Turistët politik që i ndrrojnë qëndrimet dhe partitë çdo dy tre vite, përshembull me pas të drejtë që të kërkojnë që çdo tre vite të shkatërrohet dhe fshihet çdo deklaratë e tyre në media për kundërshtarët politik por edhe për partinë ku janë marr me qira.
Pse jo të zbulohet edhe ndonjë mekanizëm që të fshij nga mendja e çdo qytetari atë që e kanë dëgjuar nga të njëjtit.