×
  • Lajme
  • Lajme

    Meshkujt nga Kosova s’i ndahen vajzave nga Shqipëria, rreth 5000 martesa të regjistruara

    FrontOnline
    29 Nëntor 2021

    Ëndrra për t’u bashkuar dy shtetet shqiptare asnjëherë nuk u shua.

    E, një ditë që i bën më shumë bashkë të dyja shtetet, është pikërisht festa e 28 Nëntorit.

    Pavarësisht se i ndan vetëm kufiri, dashuria dhe komunikimi mes të rinjve nga Kosova dhe Shqipëria nuk u ndal asnjëherë.

    Në festën e përbashkët të shqiptarëve, Front Online sjellë rrëfimin e vajzës që erdhi nga Mirdita për ta kurorëzuar dashurinë me djalin nga Drenica.

    Yllka Ndoj-Isufi, e cila është lindur e rritur në Shqipëri, tregon se si shoqëria e saj u bë shkas që të lidhej me djalin, tanimë bashkëshortin e saj Kastriotin nga Drenica.

    Sytë blu të djalit nga Kosova, bën që Yllkës nga Mirdita e Shqipërisë t’ia ‘pushtojnë’ zemrën, andaj edhe vendosi që të martohet këtu.

     “Kam vendosur të martohem në Kosovë sepse kështu zgjodhi zemra ime. Unë u njoha me bashkëshortin tim rastësisht nga një shoqëri e përbashkët dhe u dashuruam në shikim të parë. Fakti që djali që mori zemrën time ishte nga Kosova, kjo nuk përbënte problem, sepse mund të ishte nga çdo vend tjetër i botës përderisa ka dashuri dhe ndjenjë në mes. Pra ishte një zgjedhje e bukur që zoti kishte rezervuar për mua. Shteti, etnia, feja apo ngjyra nuk përbëjnë problem kur dy njerëz duhen dhe dashurohen me njëri-tjetrin. Kosova dhe Shqipëria janë një komb dhe martesa të tilla sa vijnë e shpeshtohen dhe kjo është një gjë shumë e mirë”, tha për Front Online.

     Rrëfimi i vajzës nga Mirdita për martesën me djalin nga Drenica

     Yllka e cila vjen nga një trevë me tradita dhe nga një familje atdhetare, në një rrëfim për Front Online tregon se vendimi për martesë me kosovarin nga Drenica ka bërë që familja e saj të ndjehet krenare dhe të gëzuar pa masë.

    “Unë pastaj vij nga një familje atdhetare dhe nga një trevë me shumë tradita si Mirdita dhe jam martuar në një trevë me po ashtu shumë tradita dhe që i ka dhënë shumë Kosovës dhe mbarë popullit shqiptarë si Drenica. Kjo i ka gëzuar pa masë dhe i ka dhënë një ndjenjë krenarie edhe familjes time .Unë e kam patur suportin dhe mbështetjen e familjes time në çdo hap”, tha ajo për Front Online.

    Fillimet si banore e re e Kosovës për Yllkën nuk kanë qenë të vështira, përveçse në dialektin e gjuhës.

    Paragjykimet, Yllka thotë se i ka kaluar me lehtësi, pasi sipas saj, lidhjet dhe martesat mes dy shteteve po bëhen të shpeshta.

    “Ato vështirësitë e fillimit, nëse mund t’i quajmë vështirësi kanë qenë kryesisht me dialektin dhe traditat që ndryshojnë prej zonës nga vij unë. Sa i përket paragjykimeve nuk më interesojnë, por edhe nuk besoj që ka patur shumë pasi shumë vajza nga Shqipëria dhe përkatësisht nga Mirdita janë martuar në Kosovë dhe këto lidhje sa vijnë e bëhen më të shpeshta. Shqipëria dhe Kosova janë afruar shumë me njëra-tjetrën vitet e fundit si në aspektin infrastrukturor dhe atë ekonomik dhe kjo është për t’u përshëndetur”, tha ajo për Front Online.

    732 vajza nga Kosova të martuara me djem të Shqipërisë

    Edhe pse jo gjeografikisht, populli shqiptarë mesa duket ka vendosur të bashkohet duke u kurorëzuar.

    Numri i martesave të regjistruara në Regjistrin Qendror të Gjendjes Civile mes shtetasve të Kosovës me shtetasë të Shqipërisë është 4 mijë e 653.

    Prej tyre, numrin më të madh e përfshinë gjinia mashkullore, të cilët janë martuar me vajza nga Shqipëria e që prek numrin 3 mijë e 921.

    Ndërsa, 732 vajza janë martuar me burrat me shtetësi të Shqipërisë./Front Online/.

     

     

     

     

    Comodita “pushton” Amerikën, dyshekët e saj në top 5 produktet më të shitura
    Nga Rubrika
    Lajme29 Mars 2024
    Kryetari i Aleancës për Ardhmërinë e Kosovës, Ramush Haradinaj ka përkujtuar masakrën e Belegut e Irzniqit të Deçanit si dhe të Poterqit...
    Lajme29 Mars 2024
    Kryetari i Kuvendit të Kosovës, Glauk Konjufca, ka shprehur qëndrimin e tij pro themelimit të cdo komisioni hetimor dhe se për këtë...
    Lajme29 Mars 2024
    Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje. Këtë deklaratë ai e bëri para mediave...
    Të tjera
    Lajme29 Mars 2024
    Shefi i deputetëve të Partisë Demokratike të Kosovës, Abelard Tahiri, ka thënë se kanë propozuar themelimin e një Komisioni Hetimor për financimin...
    Lajme29 Mars 2024
    Shefi i grupit parlamentar i AAK-së, Besnik Tahiri, dhe ai i LDK-së, Arben Gashi, kanë lëshuar sallën ku po mbahej mbledhja e...
    Bota/Rajoni29 Mars 2024
    Qeveria e Kroacisë ka nisur procedurat për njohjen e ndërsjellë të patentë shoferëve mes Zagrebit dhe Prishtinës. Kjo u bë e ditur...
    Opinione29 Mars 2024
    Nga Ismail Syla Vështrim eseistik për librin e Bajram Kosumit “Enciklopedia Imagjinare, postroman”, Toena, 2023, Tiranë Në Fjalorin e Gjuhës së Sotme...
    Bota/Rajoni29 Mars 2024
    Erërat me shpejtësi deri në 112 km/h kanë goditur bregdetin jugor të Mbretërisë së Bashku së bashku me breshërin dhe bubullimat. Sipas...
    Lajme29 Mars 2024
    Kryeministri i vendit, Albin Kurti po vazhdon të tregojë disa nga të arriturat e shënuar gjatë qeverisjes së tij. Kurti ka publikuar...

    FrontOnline, © 2024 Të gjitha të drejtat e rezervuara.