Kancelarja gjermane, Angela Merkel, deklaroi sot gatishmërinë e Gjermanisë për hapjen e një kapitulli të ri në marrëdhëniet transatlantike.
“Përshëndes zotimin e presidentit amerikan, Joe Biden, për rivendosjen e marrëdhënieve midis Uashingtonit dhe partnerëve të tij europianë”, tha udhëheqësja gjermane në fjalën e saj në Konferencën e Sigurisë në Mynih, raporton ATSh.
Kancelarja shtoi se komuniteti ndërkombëtar kishte, gjithashtu, nevojë për një axhendë të përbashkët për t’u marrë me Kinën, të cilën e përshkroi si një konkurrente dhe partnere.
