Kancelarja gjermane, Angela Merkel theksoi sot se ditët e ardhshme do të jenë vendimtare mes Londrës dhe Brukselit për marrëdhënien tregtare postBrexit.
“Ne do të dimë në ditët e ardhshme nëse shkojmë përpara ose jo”, theksoi Merkel pas një jave negociatash, e fundit zyrtarisht në rendin e ditës, raporton ATSh.
“Për sa kohë që negociatat vazhdojnë, unë jam optimiste, por nuk mund të njoftoj një përparim. Kjo do të vendoset në ditët në vijim”, shtoi ajo.
