Deputeti i Partisë Demokratike të Kosovës (PDK), Memli Krasniqi në pikën ku po diksutohet projektligji për zgjedhjet e përgjithshme dhe qasjen e diasporës brenda këtij ligji, ka hedhur kritika në ndrejtim grupeve parlamentare të VV-së dhe LDK-së.

Duke komentuar përplasjet e sotme në Kuvend nga po këto dy grupe, Krasniqi thënë se dikush “duket se ju ka rënë mësysh këtyre dy partive që vetëm po grinden”

“Ju paska ra dikush mësysh Vetëvendosjes e LDK-së u mytën tu u përla”, tha ai.

Në pjesën e parë të seancës së sotme të Kuvendit, ku u diskutua për çështjen e personave të pagjetur, deputetë të LDK-së dhe Vetëvendosjes përveç verbalisht, u përplasën edhe fizikisht.