Mjeku i Hataysporit, Gurbey Kahveci ka deklaruar se futbollisti nga Gana, Christian Atsu ende nuk është gjendur.

Që nga tërmeti i fortë që goditi Turqinë, Atsu ishte raportuar i zhdukur, shkruan FrontOnline.

Gjatë ditës së djeshme, u tha se ish-futbollisti i Chelseat u shpëtua dhe u gjend i gjallë.

Por, Kahveci i ka mohuar këto zëra.

Ai sot tha se futbollisti si dhe drejtori sportiv Taner Savut ende s’janë gjetur.

“Kur dëgjuam se “ai u dërgua në spitalin e Dortyolit”, ne dolëm për ta kërkuar, por ai nuk ishte aty. “Për momentin, ne pranojmë që [drejtori sportiv] Taner Savut dhe Christian Atsu nuk janë gjetur, gjë që është për të ardhur keq”, tha ai./FrontOnline/