Në Kupën e Botës “Rusia 2018”, Xherdan Shaqiri dhe Granit Xhaka me prejardhje nga Kosova festuan golat ndaj Serbisë me shqiponjën dy krenare në fitoren e famshme 2:1. Kurse, në botërorin e këtij viti në Katar, sonte, Zvicra ndeshet sërish me Serbinë për një vend në fazën e eliminimit direkt.
Ndonëse Shqipëria apo Kosova nuk janë kualifikuar në Kampionatin Botëror të këtij viti, shqiponja nuk mungon në Doha, aty ku është valvitur në disa ndeshje, shkruan mediumi spanjoll “ElMundo.es”, përcjell FrontOnline.
Ditë më parë, Serbia shfaqi një flamur ku shihej harta e Kosovës me ngjyrat serbe me moton: “Nuk ka dorëzim”, rast për të cilin edhe FIFA ka hapur procedurë disiplinore pas ankesës së dërguar nga Federata e Futbollit e Kosovës.
Madje, për këtë rast kishte reagim të ashpër edhe nga ministri i sportit, Hajrullah Çeku, i cili ka akuzuar serbët për mesazhe të tmerrshme kërcënuese në drejtim të tij.
Mediumi në fjalë tutje përmend edhe ndeshjen në Kaliningrad ku Serbia dhe Zvicra u ndeshën në vitin 2018, ku fitore shënuan zviceranët 2:1 me golat e Xherdan Shaqirit, një refugjat i lindur në Kosovës i cili ka mbajtur ngjyrat e flamurit të Kosovvs në njëren këpucë dhe flamurin zviceran në tjetrën.
Por, edhe Granit Xhaka, i lindur në Basel, por djali i një veprimtari, Ragip Xhaka, të cilin diktatori famëkeq dhe krimineli Slobodan Millosheviq e kishte burgosur për katër vjet para se të migronte drejt Zvcirës.
Shaqiri dhe Xhaka festuan golat me shqiponjën dykrenare, veprim që shkaktoi “tërmet” kudo në botë, teksa trajneri i atëhershëm i Serbisë, Mladen Krstajiq kishte reaguar ashpër duke thënë: “Le të gjykohen në Hagë, sikurse ne”.
Serbia dhe Zvicra ndeshen sërish sonte në Kupën e Botës, ndeshje e vlefshme për grupin G, ku helvetët edhe me barazim ecin tutje, teksa Serbisë i duhet vetëm fitorja, përcjell FrontOnline.
Miguel Roan, ballkanolog prestigjioz dhe autor i eseve të ndryshme, e ka kaluar karrierën e tij duke interpretuar atë që qëndron pas kësaj.
“Shoqëritë ballkanike nuk janë të ndryshme nga të tjerat. Futbolli, për shkak të asaj që përfaqëson, është një platformë e rëndësishme për pretendime dhe çdo incident rritet. Dallimi është dobësia e shoqërive të tyre civile përballë teprimeve të huliganëve që klasa politike i bën ato. Ekziston gjithnjë rreziku i konfliktit për shkak të radikalizmit të rrezikshëm të një pakice e cila lidhet me partitë politike apo liderët”, tha Roan./FrontOnline/