×
  • Lajme
  • Lajme

    “Më mirë shkëmbim territoresh sesa asociacion me kompetenca ekzekutive”

    FrontOnline
    25 Nëntor 2020

    Analisti politik Ilir Ibrahimi ka thënë se dy fuqitë botërore, Brukseli dhe Washingtoni, po kërkojnë kompromis edhe nga ana e Kosovës për arritjen e marrëveshjes përfundimtare me Serbinë.

    Ai tha se BE-ja nuk ka përjashtuar opsionin e krijimit të një asociacioni, me ose pa kompetenca ekzekutive, e Washingtoni nuk e ka përjashtuar shkëmbimin territorial si mundësi pajtimi përfundimtar mes Kosovës dhe Serbisë, njofton Klan Kosova.

    Në rast se Kosova vendoset para kësaj zgjedhje, për Ibrahimin më mirë është të pranohet shkëmbimi i territoreve sesa asociacioni me kompetenca ekzekutive.

    “Shoqëria kosovare duhet të ketë të qartë se a e dëshiron një marrëveshje me Serbinë dhe se a është një marrëveshje e tillë në interes të shoqërisë kosovare. Më tepër na është paraqitur si një lloj imponimi nga faktori ndërkombëtar sesa një interes nacional i Kosovës”.

    “Nga të dy qendrat, Brukseli dhe Washintoni, kemi dëgjuar se duhet një lloj kompromisi për të arritur marrëveshjen finale me Serbinë. Nëse këto janë dy opsionet (asociacioni me kompetenca ekzekutive apo e shkëmbimit të territoreve) që duhet të bëjmë atëherë Kosova këtë diskurs duhet të zhvillojë. Këtë diskurs që ne e kemi parë në tre-katër vjetët e fundit kanë qenë i bazuar në preferenca individuale ndaj një politikani apo tjetrit sesa një diskurs të mirëfilltë të interesave të Kosovës”.

    “Për mendimin tim një asociacion që futet këtu dhe ende nuk e përfundon punën me Serbinë është shumë më i dëmshëm sesa një mundësi e shkëmbimit të territoreve ku ne do të mund të shtynim përpara interesat tona kombëtare në ato vise ku ka shumicë shqiptare dhe të hiqnim dorë nga kjo pjesë e veriut që deshëm ose jo ta pranojmë nuk kemi kontroll”.

    Ibrahimi në Rubikon të Klan Kosovës tha se është parë edhe gjatë pandemisë sa Kosova nuk ka kontroll në veri dhe kritikoi politikanët, sipas tij, që asnjëri nuk e pranoi mungesën e kontrollit në këtë pjesë të vendit.

    Publicisti Ibrahimi tha se këto çështje duhet të hapen nëse Kosova do që të merr pjesë në një marrëveshje me Serbinë.

    “Nëse ne nuk e shohim si interes të Kosovës atëherë ne duhet të kemi strategji se si të zvarrisim procesin e dialogut, por s’mund ta gënjejmë popullin duke thënë se po shkojnë për njohje reciproke duke mos pasë konsensus dhe kur s’e di se sa je në gjendje të japësh”.

    Aeroporti Ndërkombëtar i Prishtinës ‘Adem Jashari’ LKIA me rekord të ri në nr. të udhëtarëve dhe fluturimeve
    Nga Rubrika
    Lajme29 Mars 2024
    Sot do të mbahet mbledhja e radhës e Kryesisë së Kuvendit. Në rend dite votimi i disa marrëveshjeve ndërkombëtare e themelimi i...
    Lajme29 Mars 2024
    Edhe Ministrja e Drejtësisë, Albulena Haxhiu ka sfiduar opozitën, duke thënë se janë të gatshme për zgjedhje të reja, madje qysh javën...
    Lajme29 Mars 2024
    Shoqata e Kosovës për Kërkim dhe Shpëtim ka bërë të ditur se po vazhdojnë kërkimet për gjetjen e një personi të zhdukur...
    Të tjera
    Lajme28 Mars 2024
    Kryeministri i Kosovës, Albin Kurti ka thënë se këtë vit e kemi filluar pa viza e me pasaportë shumëfish më të fuqishme,...
    Lajme28 Mars 2024
    Kryetari i Nismës Socialdemokrate, Fatmir Limaj, ka thënë se Kosova duhet të shkojë në zgjedhje të rregullta dhe jo atëherë kur dëshiron...
    Bota/Rajoni28 Mars 2024
    Një aksident trafiku ka lënë të vdekur 45 persona në Afrikën e Jugut, pasi një autobus humbi kontrollin dhe ra nga një...
    Lajme28 Mars 2024
    Ambasadori i Mbretërisë së Bashkuar në Kosovë, Jonathan Hargreaves, ka qenë në Mitrovicë ku është takuar me kreun e kësaj komune Bedri...
    Lajme28 Mars 2024
    Lulzim Rafuna, kryetar i Odës Ekonomike të Kosovës (OEK), ka thënë të enjten se imazhi i krijuar për Kosovën që “mund të...
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...

    FrontOnline, © 2024 Të gjitha të drejtat e rezervuara.