×
  • Bota/Rajoni
  • Bota/Rajoni

    Me 20 euro nën dorë, kalon pikën kufitare drejt vendeve të BE-së

    FrontOnline
    04 Nëntor 2019

    Fiks Fare ka trajtuar disa herë denoncimet e shumta që bëhen nga të rinjtë që për të kaluar në pikat kufitare drejt BE-së u kërkojnë ryshfet. Nuk janë të paktë as personat që janë kthyer nëpër këto pika doganore nga policia me pretendime nga më të ndryshmet. Por kjo gjë mund të ndryshojë nëse paguan minimalisht 20 euro.

    Kjo ka ndodhur në pikën kufitare të Muriqanit , ku pas disa denoncimeve të të rinjve Fiks Fare udhëtoi për të zbuluar të vërtetën. Gazetarët e Fiks Fare ndoqën rrugëtimin me një linjë autobuzi me destinacion përfundimtarë qytetin e Vienës në Austri. Nisja u bë në Tiranë dhe pothuajse të gjithë pasagjerët në autobuz ishin të një moshe relativisht të re.

    Bashkëpunëtorët interesohen në një agjenci udhëtimesh për ditën dhe orarin e nisjes së autobuzave drejt Vienës. Në agjenci pyesin nëse në pikën kufitare kur të kalojnë duke mos pasur letër garanci a mund t’i kthejnë apo jo, por punonjësi i agjencisë u përgjigjet se nuk kanë për t’i penguar. ” Marrin kudo nëpër dogana ryshfet, i thotë polici vetë shoferit mblidhi nga 5 euro secilit” shprehet punonjësi.

    Por nga biseda me pasagjerët bashkëpunëtorët e Fiksit kuptuan se kjo mënyrë kalimi, pra me ryshfet nëpër pikat doganore është mëse normale. Me të mbërritur në pikën doganore të Muriqanit , polici hipën në autobuz dhe i nxjerrë të gjithë pasagjerët jashtë tij. Pas kalimit të kontrollit të pasaportave më shumë se gjysmës së pasagjerëve, të gjithë të rinj në moshë, u është mbajtur pasaporta në sportel dhe nuk u është vulosur. Në këto momente vjen shoferi i autobuzit i cili të gjithë pasagjeëve që nuk u është vulosur pasaporta i kërkon nga 20 euro. Këtë ryshfet e kërkon punonjësi i policisë që t’u vulosi pasaportat e më pas të vazhdojnë rrugëtimin. Në pamjet e trasmetuara në Fiks Fare duket qartë se si shoferi i autobuzit u thotë të mbledhin eurot pasagjerëve e më pas ai do i vendosi në pasaportë dhe do shkojë t’ja japi policit në pikën kufitare.

    Shoferi personave që kanë bërë pagesën prej 20 euro u thotë të hypin në autobuz që me vulosjen e pasaportave pas dhënies së ryshfetit të nisen.

    Por kalimi në këtë lloj mënyre u jep dorë edhe shumë personave të cilët duan të kërkojnë azil. Një prej tyre ishte edhe një qytetar nga Lezha i cili pas dy vjetësh do të shkonte sërish në Gjermani ku do të aplikonte për azil. Ai i tregon në një bisedë bashkëpunëtorit të Fiksit se kjo ishte hera e dytë që do kërkonte azil në Gjermani dhe tashmë ishte pajisur edhe me dokumentacionin e duhur që askush nga shteti gjerman nuk do mund ta largonte. Ai herën e parë kishte aplikuar pasi ishte në gjak në Shqipëri se kishte plagosur dikë.

    ” Nuk më besuan se nuk kisha dokumenta , por kësaj herë nuk ka gjerman të më thojë jo” shprehet ai.

    ” Kam 5 plagosje në trup nga gjaksit dhe kam marrë letër tek Gëzim Noka ku i dhashë edhe 200 euro, edhe pse e meritoja vetë vërtetimin” tregon ai.

    Më tej ai shprehet se ka marrë letër nga policia, edhe nga prokuroria dhe gjykata. Në të gjitha hallkat thotë se ka paguar ” prokurorit Arben Agovi i kam dhënë 500 euro për të ma dhënë letrën, ashtu siç duhet. Po edhe gjykatësin e kam paguar ama tani nuk po më vjen emri” tha ai.

    Fiksi – Kur ka autobuz për Austri?

    Punonjësja e agjencisë – Strazburg

    Fiksi – Se kur?

    Punonjësja e agjensis – Të hën të mërkurr, të premte të shtunë

    Fiksi – Sa është bileta

    Punonjësja e agjensis – 80 euro

    Fiksi – Edhe siguracioni këtu pritet ë?

    Punonjësja e agjensis – Po

    Fiksi – Biletën e ke prerë?

    Pasagjeri – Po

    Fksi – Vetëm ta ketë garant të kalojë

    Punonjësi i agjensis – Nuk ka me i thën gjë njeri, nuk është çuni i ri 20 vjeç po shkon me shit drogë.Ça jan të gjithë këto të lodhur i len me kalu, dëm nuk bëjn kujt thonë shkojnë për punë krahu.
    Fiksi – Marrin kudo nëpër dogana

    Punonjësi i agjensis – I thotë polici vetë mblidhi të gjithëve nga 5 euro, per të gjithëve

    Shoferi – Edhe ti për Mynih je

    Pasagjeri – Jo për Salzburg

    Shoferi – Mynih, Shtutgart dhe Salzburgu janë me këtë

    #################

    Fiksi – Në dogana është problem

    Pasagjeri – Pse doganë

    Fiksi – Kontrolle, vonesa, ndonjë lekë e duan.

    Pasagjeri – Kafe, 100 euro. Kam qenë një herë para dy vjetësh kam qenë në azil.Kam ikur nga greku me avion. E kam një vulë në pasaportë.Vulë po kam kërkuar vetë me ikë. Më erdh negativi mua dhe thashë dua me ikë.Kërkova vetë me ikë.

    Fiksi – Ka ndonjë kushte që do të realizosh atje?

    Pasagjeri – Ka kushte gjakmarrje, ndonjë problem gjak përshembull, vetëm se duhet me fakte me letra, vrasje atë po fiton diçka.

    Fiksi – Ai si del me të vra nuk del me letra ai

    Pasagjeri – Jo duhet ta japin një letër nëse je në gjak përshembull ke vrarë je në gjakë e merr me letër e merr me letër. Unë kam hangër pesë plumba mua që më shef këtu, pesë plumba kam hëngër, një e kam hëngër në dorë dhe katër i kam hëngër këtu. Tre operacione

    Fiksi – Ça thu?

    Pasagjeri – Tre operacione i kam me dosje i kam futur në fund të valigjes një dosje që ska gjerman që më kthen mbrapsh. Kur kam qenë për azil ju pata than rrezikoj për me më vra, kam plagosur një njeri dhe rrezikoj për me më vra. Sma mori për bazë, nuk kisha fakte nuk kisha dokumenta.Më erdhi negativ ika.Do shkoj prap në azil do ju them kur isha herën e para nuk ma morët parasysh, qe tani shif çfar më kan ba rrezikoj prap tani rrezikoj me gjithë familje.

    Fiksi – Ke marë tek pajtimi i gjaqeve

    Pasagjeri – Kam marrë atë, kam marrë ne Lezhë unë rri në Lezhë.

    Fiksi – Keee ai si e ka ai?

    Pasagjeri – Gëzim Noka. Kam marrë tek Gëzimi letrën si, jam në gjak, probleme gjakmarrje , kam marr nga prokuroria, kam marrë nga gjykata, kam marrë nga policia, kam marrë tek prefektura, domethën një dosje. 200 euro më ka marrë ai i pajtimit të gjaqeve

    Fiksi – Ça thua ore, vetëm për të dhën vërtetimin

    Pasagjeri – Bërtetimin që e ka pasur për detyrë me ma dhën se ska qenë duke bërë ndonjë shpifje ai as duke më bërë ndonjë nder, ka qenë i detyruar. 200 euro po e deshe. 500 prokurori

    Fiksi – Cili mor?

    Pasagjeri – Prokurori në Lezhë

    Fiksi – Cili …?

    Pasagjeri – Në Lezhë një Arben Agovi ish kryeprokuror?

    Fiksi – 500 euro!?

    Pasagjeri – 500 euro troç në zyrë po deshe

    Fiksi – Ua

    Pasagjeri – Me ta lëshuar sikur do.Sikur duhet unë dua 500. Nuk m’i kërkoi po ndonjë sen duhet se s’bën tha

    Pasagjeri – Gjykatës

    Fiksi – Kush t’i kërkoi ?

    Pasagjeri – Për momentin e kam të regjistrum e kam në letra s’e mbaj mend.

    Pasagjeri – Tash po të them

    Në doganë në Muriqan

    Posagjeri – Si t’ja bëjmë?

    Shoferi – A s’ke lëbiz në vendet e BE -së? Duhet garanci dhe një muaj para duhet me ta çu. Mblidhuni të tre. Tani mblidhini të tre dhe unë ja çova ( lekët).

    Pasagjeri- Nuk të lën për të kaluar këtu

    Pasagjeri 2 – Nga një 20 -she

    Posagjeri 3 – Nga 20 -she

    Posagjeri 4 – Vjen vetë e i merr ( shoferi)

    Shoferi – Sa ka? Mbledhi njëri këtu

    Posagjeri – Sa veta jeni

    Posagjeri 6 – Dy

    Posagjeri 7 – Nga 20

    Shoferi- Jo, jo mbaj të gjitha m’i jep në fund. Nga 20 euro mbidhi të gjitha bashkë.Futi aty.njëzet. I ke dhën ti, as ti s’i ke dhanë?

    Poagjeri 8 – Ja kam dhan

    Shoferi – Vazhdo të lutem.

    Posagjeri 9 – Mbaj 20 euro

    Posagjeri 10 – Komandant sa ban …?

    Shoferi – Nga 20 , nga 20

    Shoferi – E more pasaporten?

    Posagjeri 11 – Po të dy pasaportat.

    Shoferi – Do ja jap ati të gjitha ( policit që vulos pasaportat). I more pasaporten, i more pasaporten?

    Shoferi – Jo, jo mi jep 20, 20, Sa ke me dhën

    Top Channel

    Rikthehet Blasta, Artani i kërkon falje nga zemra
    Nga Rubrika
    Bota/Rajoni28 Mars 2024
    Mashtrimi i nxitur nga trafikimi i qenieve njerëzore po shpërthen në Azinë Juglindore me rrjetet e krimit të organizuar që grumbullojnë rreth...
    Bota/Rajoni28 Mars 2024
    Ka ndërruar jetë sot në moshën 82-vjeçare ish-senatori amerikan, Joe Lieberman, i cili para gati dy dekadave kishte vizituar Kosovën. Ai ishte...
    Bota/Rajoni27 Mars 2024
    Votimi kundër raportit për anëtarësimin e Kosovës në Këshillin e Evropës nga përfaqësuesja e Malit të Zi në Komisionin e Asamblesë Parlamentare...
    Të tjera
    Lajme28 Mars 2024
    Shefi i deputetëve të Aleancës për Ardhmërinë e Kosovës, Besnik Tahiri gjatë seancës së sotme në Kuvendin e Kosovës ka thënë se...
    Lajme28 Mars 2024
    Komisioni për Shëndetësi dhe Mirëqenie Sociale ka mbajtur diskutim për organizimin e tryezës për shëndetin oral dhe diskutim për mbikëqyrjen e ligjeve...
    Lajme28 Mars 2024
    Deputeti i Lidhjes Demokratike të Kosovës, Besian Mustafa, tha se qeveria Kurti ka nënshkruar 209 milionë euro tenderë njëburimor, raporton Ekonomia Online....
    Lajme28 Mars 2024
    Teksa shefi i grupit parlamentar i AAK-së, Besnik Tahiri, po fliste në foltore për kontratat njëburimore, siç tha ai, e pengoi shefja...
    Lajme28 Mars 2024
    Deputeti i Lëvizjes Vetëvendosje, Adnan Rrustemi, gjatë seancës së jashtëzakonshme që po mbahet në Kuvend ku po flitet për kontratat njëburimore për...
    Bota/Rajoni28 Mars 2024
    Mashtrimi i nxitur nga trafikimi i qenieve njerëzore po shpërthen në Azinë Juglindore me rrjetet e krimit të organizuar që grumbullojnë rreth...

    FrontOnline, © 2024 Të gjitha të drejtat e rezervuara.