Bota/Rajoni

Mbi 550 persona janë infektuar me koronavirus në shtëpitë e të moshuarve në Viktoria

Mbi 550 persona janë infektuar me koronavirus në shtëpitë e të moshuarve në Viktoria
09:49 | 26 Korrik 2020

Më shumë se 550 banorë dhe pjesëtarë të stafit në një qendër për kujdesin ndaj të moshuarve në Viktoria të Australisë janë diagnostikuar me koronavirus. Autoritetet i kanë injoruar thirrjet që personat e prekur të transferohen në spitale.

Rajoni Viktoria i Australisë të dielën regjistroi rekord të rasteve fatale të shkaktuara nga koronavirusi me dhjetë të vdekur për 24 orë. Shtatë prej këtyre rasteve ishin të lidhura me përhapjen e virusit në qendrat për kujdesin ndaj të moshuarve.

Tash për tash janë 560 raste aktive të lidhura me banorët dhe stafin e së paku 40 qendrave të këtilla në mbarë rajonin, përfshirë 82 raste në Ardeer dhe 78 të tjera në Fawkner, shkruan “The Guardian”, transmeton Gazeta Express.

Kriza e pandemisë i detyroi qeveritë lokale dhe atë qendrore që të formojnë një qendër të reagimit, ku do të koordinohen përpjekjet për ta parandaluar përhapjen e mëtejme të virusit.

Zëvendësshefi i Shëndetësisë, Nick Coatsworth, tha se të gjitha agjencitë duhet të punojnë së bashku për t’i marrë gjërat nën kontroll sa më shpejt që është e mundur.

“Kjo është një sfidë për të cilën ne të gjithë duhet të punojmë së bashku për t’u takuar shpejt për sigurinë e atyre që janë të ndjeshëm dhe të varur ndaj kujdesit brenda qendrave të kujdesit për persona të moshuar në Viktoria”, tha ai.

Vetëm 60 euro kap ofertën Al Inclusive të “Sharr Travel” në Aqua Fafa

Të tjera