Instituti Kombëtar i Shëndetit Publik bën të ditur se numri total i rasteve pozitive është 49.866 raste nga 176.339 persona të dyshimtë në virusin SARS-CoV-2 dhe 1.290 raste të vdekjes.IKSHPK njofton se derisa numri i përgjithshëm i të shëruarve deri më sot është gjithsej 38.118 raste, kurse numri i rasteve aktive është 10.478.IKShPK apelon te të gjithë qytetarët që të vijnë të testohen në SARS-CoV-2 sipas indikacioneve epidemiologjike, në të gjitha Qendrat rajonale të shëndetësisë publike në Kosovë.
Një ditë më parë, kryeministri në detyrë, Avdullah Hoti tha se mënyra si mjekët e kanë menaxhuar me pandeminë është model dhe është bërë punë e jashtëzakonshme, në veçanti duke pasur parasysh resurset e kufizuara.Hoti theksoi se pavarësisht telasheve, asnjë pacient nuk ka ardhur në situatë që të mos arrijë të shtrihet në spital.
“Jemi në fund të kësaj pandemie, po shpresoj në tre katër muajt e ardhshëm dhe kërkoj mirëkuptimin e juaj që të mbahet sistemi i mobilizuar edhe ta përmbyllim me sukses këtë aktivitet që do të mbetet në historinë e shëndetësisë së Kosovës”, u shpreh një ditë më parë Hoti, pas vizitës në SHSKUK.
Duke folur për masat në fuqi, tha se është krijuar disiplinë e mirë për respektimin e masave nga qytetarët, por sipas tij, duhet ai “sprinti i fundit” për të dalë në krye të pandemisë.Ndërkaq, ushtruesi i detyrës së drejtorit të Qendrës Klinike Universitare të Kosovës, Valbon Krasniqi në një konferencë për media pas vizitës së kryeministrit në detyrë Avdullah Hoti tha se asnjë pacient nuk ka mbet asnjë ditë të vetme pa oksigjen dhe pa trajtimin e duhur.Krasniqi bëri të ditur se shumë shpejt brenda dy muajve të ardhshëm të gjitha spitalet do të kenë furnizim me oksigjen të lëngshëm dhe do të zëvendësohen në tërësi bombolat e oksigjenit.Duke folur për punën e SHSKUK-së, ai tha se objektiv për vitin e ardhshëm mbetet ngritja e disiplinës në punë, komunikimi me pacientë, respektimi i orarit të punës.Krasniqi apeloi që festat e fundvitit të kalohen në familje dhe të respektohen masat.
