Matoshi i përgjigjet këshilltarit të Osmanit: Politika është edhe forcë

Lajme

Matoshi i përgjigjet këshilltarit të Osmanit: Politika është edhe forcë

FrontOnline

12 Janar 2021

I pari i AAK’së Ramush Haradinaj prej kohësh ka shpallur kandidaturën për president. Edhe në zgjedhjet e 14 shkurtit, ai thotë se kjo parti synon këtë post pavarësisht se zgjedhjet janë për Kuvendin e Kosovës. Ai thotë se është i duhuri për këtë pozitë dhe kritika pati edhe për Vjosa Osmanin, e cila është ushtruese e detyrës së presidentit. Osmanin ai e quajti të ‘dobët’ në kryerjen e përgjegjësive në këtë zyrë.

Kësaj deklarate i reagoi shefi i kabinetit të Vjosa Osmanit, Faton Peci. Ky i fundit tha ndër të tjera se “në politikë nuk kryejnë punë muskujt por shkathtësie politike, të cilën ju nuk e keni demonstruar. Kjo, ngase po të ishte kështu do të ishe ende kryeministër, por jo shef i një partie të vogël opozitare, që lufton për mbijetesë”.

Një reagimi të tillë i është përgjigjur Halil Matoshi, këshilltar i Ramush Haradinajt në kohën kur ky i fundit ishte shef i ekzekutivit.

“Zotni Faton, politika âsht art i të mundshmes, pra edhe forcë”, thotë ndër të tjera Matoshi nëpërmjet një shkrimi në Facebook.

Ai thotë se anëtarë të iniciativës së Vjosa Osmanit kanë ftuar “shefat e degëve të LDK’së nga të cilët kanë marrë vetëm injorim’.

Thjeshtë u kanë injoru!

Reagimi i plotë i Matoshit:

Nji përgjegje Fatonit, njeriut ngat Vjosës

Zotni Faton, politika âsht art i të mundshmes, pra edhe forcë.

Fuqi legaliste e 81 e legjislatorëve (forumi);

Ramush Haradinaj në disa raste ka dëshmu se munet me i bâ tubë kaq dhe ma shumë të zgjedhun t’popullit!

Kur e bâni ushtrinë psh. Kur kësi komisionarësh të BE-së thojshin: “Punë që s’bâhet”!

Kur e bâni Trepçën të Kosovës, me ligj. që ajo zyra ku Zonja Osmani po fotografohet sot thojke: “Stop, nuk bâhet pa Beogradin!?”

Kur e pavarësoi sistemin energjetik, njashtu…

Për Ligjin e Prishtinës e Reformat shtetnore…

Faton, me taksën 100% ndaj Serbisë, Ramushi e delegjitimoi ndarjën e Atdheut tonë dhe e riktheu dialogun nga tavolina e Mogherinkes (ku në vend se për normalizim flitej për territore) tek populli i Kosovës!

Faton, Ramushi me familje e ka pagu çmimin dhe dhimbjen supreme për Kosovën dhe me i thânë atij se nuk e paskësh dhimtën e Kosovës, duhet me qenë i vocerr dhe i ult!

Faton, Kosova nuk ka fare President të zgjedhun, ka nji administruese të Përkohshme të Zyrës së Presidencës!

Kaq.

Kurse tash po të drejtohem si mik: I dashtun Faton, mos merrni turr se hala jeni pa kulm mi kry (AAK âsht vërtetë parti e vogël por shpi e etablueme që nuk pikon shi e helm mbi tjerët por e mbronë Kosovën e 17 shkurtit, në kufijtë ekzistues, pa hamendje);

Ju, nji kulm të Shtëpisë së vjetër sapo bâtë përpjekje me e çartë!?

Tue metun nomad politik!?

Ndërsa “shkathtësia” politike e u.d. të Presidentes (ushtruese detyre, edhe ashtu âsht term i gabuem!?) Vjosa Osmani, tue qenë vet e rreshtume me Albin Kurtin në “lëvizjen antiestabilishment” të ideueme nga Slavoj Žižek & Co pēr interesin e njifar bipolariteti, me e përkthy shqip i bjen: karshillak ndaj supërfuqisë së vetme, ShBA-së.

Pra, në vend se me u marrë me Ramush Haradinajn, kish me qenë mirë me tregu para publikut se i keni thirrë të gjitha degët e LDK (shefat e tyne) dhe për fatin Tuej të keq, nuk keni marrë asnji përgjigje.

Thjeshtë u kanë injoru!

Ish pjesëtarët e familjës Suej politike!

Të fundit