Auto

Maserati prezanton një garanci 10-vjeçare

Maserati prezanton një garanci 10-vjeçare
16:30 | 05 Gusht 2022

A do të rrëzojë kjo një tjetër stereotip, atë të mosbesueshmërisë së makinave italiane? E vështirë, sepse është Maserati, një markë, produktet e së cilës pak mund t’i përballojnë, por është ende e rëndësishme që hapi i parë është hedhur. Në fund të fundit, një vendim i tillë tregon qartë gatishmërinë e prodhuesit italian për ndryshime të thella.

Jo shumë marka janë të gatshme të ofrojnë një garanci dhjetëvjeçare.

Pikërisht kështu, Maserati vendosi të ofrojë një shtesë në garancinë standarde prej katër ose pesë vjetësh duke ofruar një shërbim garancie të zgjatur dhe kështu të qëndrojë përkrah markave me garancitë më të gjata të udhëhequra nga ato nga Koreja dhe Japonia.

Është Programi i Garancisë Extra10, i cili mbulon komponentët e makinës, duke përfshirë motorin dhe kutinë e marsheve. Gjithashtu, programi përfshin shërbimin e marrjes së makinës dhe kthimit të saj nga servisi në adresën e shtëpisë.

Shërbimi i ri i garancisë do të ofrohet nga data 1 tetor në tregje të përzgjedhura. Nuk dihet nëse do të jetë i disponueshëm në modelet e ardhshme elektrike, përfshirë GranTurismo elektrike të quajtur Folgore./FrontOnline/

Prince Caffe pjesëmarrës në panairin DUBAI EXPO 2021

Të tjera