Kryetari i PD-së, Sali Berisha ngre shqetësimin rrezikun që i kanoset Ballkanit Perëndimor nga Serbia dhe Rusia, si dhe qëndrimin e kryeministrit Rama në këtë çështje.
Berisha komenton marrëveshjen serbo-ruse në New York, duke theksuar se Beogradi është vegël e Moskës. Sipas tij, kjo marrëveshje dëshmon se shkëputja e lidhjeve midis Serbisë dhe Rusisë është vetëm iluzion dhe se nuk do të ndodhë.
“Te dashur miq, ministri i jashtem i Putin, Sergei Lavrov u takua dy dite me pare ne Seline e OKB dhe firmosi me ministrin e jashtem te Serbise, Nikolla Selakoviç, Marreveshjen per Bashkepunimin ne Politiken e Jashtme midis Moskes dhe Beogradit.
Kjo marreveshje deshmon qarte dhe perfundimisht se Serbia po sillet si Rusi e vogel dhe presidenti i saj Vuçiç eshte nje Putin i vogel ne Rajonin tone. Marreveshja e Beogradit me Mosken pas agresionit rus ne zemer te Europes ndaj nje vendi te lire, Ukraines, fakton se sa iluzive jane perpjekjet per te shkeputur Putinin e vogel te Serbise nga Putini i Madh i Rusise”, shkruan Berisha.
Ky fundit shton se kjo provon se Rama po punon për influencën ruso-serbe dhe destabilizimin e Rajonit, që bie në kundërshtim me interesat e vendit.
“Duke denuar me force kete si nje kercenim per paqen ne rajonin tone, shtoj se marreveshja per bashkepunim ne politiken e jashtme midis Moskes dhe Beogradit provon gjithshtu se Edi Rama, ky vasal i Vuçiçit me mbeshtetjen e Ballkanit te Hapur po punon me perkushtim per hegjemonine ruso-serbe dhe destabilizimin e rajonit dhe kunder interesave kombetare te shqiptareve”, shkruan më tej Berisha.
