Lajme

“Marrëveshja për Asociacionin duhet të rinegociohet”

“Marrëveshja për Asociacionin duhet të rinegociohet”
16:22 | 13 Tetor 2020

Sot në Prishtinë po qëndron i dërguar i Posaçëm i BE-së për dialogun ndërmjet Kosovës dhe Serbisë, Miroslav Lajçak, ku pritet të takohet fillimisht me kryeministrin Avdullah Hoti, kryeparlamentaren Vjosa Osmani si dhe me krerët e partive politike në vend.

Profesori Universitar, Afrim Hoti, në një prononcim për Front Online është shprehur se kjo vizitë e tij po tregon vendosmërinë e dhe seriozitetin e BE-së që dialogu Kosovë-Serbi të vihet në binarë.

Kurse sa i përket Marrëveshjes për Asociacionin e Komunave me shumicë serbe, profesori Afrim Hoti ka thënë se marrëveshjet e nënshkruara duhet të zbatohen ose të kërkohet që kjo marrëveshje të rinegociohet, pas vërejtjeve nga Gjykata Kushtetuese.

“Këtu nuk ka jemi të kënaqur, s’jemi të kënaqur, obligimet juridike ndërkombëtare duhet të zbatohen. Ne duhet të kemi një përgjigje, ose ta zbatojmë t’i kryejmë obligimet tona juridike, ndërkombëtare që i kemi marrë me nënshkrim, ose të e njoftojmë Bashkimin Evropian se kjo marrëveshje nuk është në fuqi dhe ne duhet ta rinegociojmë të njëjtën”, ka thënë Hoti për Front Online.

Gjykata Kushtetuese e Republikës së Kosovës, bëri të ditur se disa pjesë të marrëveshjes së fundit për krijimin e Asociacionit të Komunave me shumicë Serbe (AKS) e nënshkruar më 25 gusht të vitit 2015  nuk janë në pajtim me Kushtetutën e Kosovës.

Në vendimin e saj Gjykata Kushtetuese ka sqaruar se Asociacioni i Komunave me shumicë Serbe duhet të themelohet ashtu siç është parashikuar në marrëveshjen e parë të nënshkruar ndërmjet Kosovës dhe Serbisë më 19 prill të vitit 2013, marrëveshje kjo që shënoi fillimin e normalizimit të marrëdhënieve ndërmjet Kosovës dhe Serbisë./Front Online/

 

Lexo edhe:

Hoti: Vizita e Lajçakut, përpjekje e BE-së për të marrë primatin e dialogut Kosovë-Serbi

 

Prince Caffe shpërblen për festa Fitoren me veturë Fiat 500

Të tjera