Pasi Instagrami fshiu postimet e Madonna-s nga seti fotografik provokues, ylli i muzikës u përgjigj ashpër. Madonna 63-vjeçe dje ka postuar sërish një sërë fotosh të shtrirë në shtrat, duke thënë se moderatoret e këtij rrjeti social e kanë shkarkuar postimin origjinal sepse në disa foto i janë zbuluar majat e gjinjve.
“Po ripostoj fotot që Instagrami i ka hequr pa paralajmërim apo njoftim. Arsyeja që i kanë dhënë administratorëve të llogarisë sime është se më është zbuluar një pjesë e vogël e thithkës”, ka shkruar ikona e pop-it në postimin e saj në Instagram.
Përveç shpjegimit, Madonna foton e diskutueshme e ka mbuluar edhe me një emoticon në formë zemre.
“Unë jam ende i mahnitur që jetoj në një kulturë që lejon të tregohet çdo centimetër i trupit të një gruaje, përveç thithkës. Sikur kjo të jetë e vetmja pjesë e anatomisë së një gruaje që mund të seksualizohet”, shtoi këngëtarja.
Madonna shkruan më tej se thithkat e femrave nuk duhet të censurohen sepse ato mund të përdoren për të “ushqyer fëmijën”, e nganjëherë thithkat e meshkujve mund të jenë “erotike”, por nuk censurohen.
Më pas ajo shkroi me ironi se i ishte mirënjohëse vetes që ishte në gjendje të ruante sensin e përbashkët pas katër dekadash “censurimi, seksizmi, mosheizmi dhe mizogjinia”./FrontOnline/