×
  • Lajme
  • Front TV
  • Front TV

    Lufta për deputetin e tretë shqiptarë në Parlamentin e Serbisë? Flasin nga Lugina

    FrontOnline
    22 Qershor 2020

    Zgjedhjet e së dielës në Serbi, dhe fitimi i dy apo tre ulëseve në Parlament nga shqiptarët, ishte dëshmia për një unifikim të spektrit politik shqiptarë në shtetin fqinj.

    Partia për Veprim Demokratik, Alternativa për Ndryshim, Partia Demokratike, Lëvizja Reforma në PDSH dhe Lëvizja e Progresit Demokratik, për herë të parë garuan bashkë në zgjedhjet parlamentare në Serbi, në një listë të vetme e cila u quajt “Alternativa Demokratike Shqiptare – Lugina e Bashkuar”.

    Kryesuesi i listës, Shaip Kamberi, në një intervistë për Front Online, ka thënë se rezultati i zgjedhjeve ka qenë i mirë, edhe pse të njëjtin nuk e ka cilësuar si historik.

    “Deri në këto momente ne jemi të sigurt që janë arritur të fitohen dy mandate e që është një rezultat i mirë. Presim që ndoshta ka gjasë që të fitohet edhe mandati i tretë. Pa u përfunduar numërimi ne faktikisht nuk do ta kemi të qartë se a do ta kemi edhe mandatin e tretë apo jo. Është një rezultat i mirë edhe pse historik nuk është për arsye se ne vet si parti kur kemi garuar në vitin 2014 kemi arritur që të fitojmë”, ka thënë ai.

    Megjithatë Kamberi ka vlerësuar që kjo listë e përbashkët, ka paraqitur një nismë të mirë të bashkëpunimit ndërpartiak.

    “Është një nismë  mirë e bashkëpunimit ndërpartiak dhe shpresojmë në ndërtimin e një klime të re në Beograd që partitë shqiptare do të i shoh si partner e jo si armiq, siç ka ndodhur, deri më tani”, ka thënë tutje ai.

    Kamberi liston kërkesat e shqiptarëve për Qeverinë e re në Beograd

    Partia e kryeministrit të zgjedhur, Aleksandër Vuçiq, sipas rezultateve preliminare, ka fituar zgjedhjet bindshëm me 62% të votave. E për kryesuesin e Listës Shqiptare, Alternativa Demokratike Shqiptare – Lugina e Bashkuar”, Shaip Kamberi, kërkesat e shqiptarëve tashmë veç se i di, kryeministri i zgjedhur nga populli.

    “Ne i kemi adresuar kërkesat tona në Qeverinë e Beogradit më herët. Është ajo për përfshirjen më të madhe të shqiptarëve në strukturën institucionale të shtetit, gjyqësor, polici, shërbime publike, çështjet e arsimit si furnizimi me tekste, problematika e mosnjohjes së diplomave është një ndër çështjet më të rëndësishme tek ne dhe sigurisht që edhe zhvillimi ekonomik tek ne”, ka thënë ai.

    Sipas tij, kërkesa e shqiptarëve nuk është që të jenë drejtpërdrejtë pjesë e Qeverisë së re në Beograd.

    “Kërkesa jonë nuk është që të jemi drejtpërdrejtë pjesë e Qeverisë, në ndonjë vend të Ministrisë periferike apo të sekretareve shtetëror. Kërkesa jonë është që të realizohet ajo që më herët e kemi nënshkruar me Beogradin. Ne presim që në takimin e Uashingtonit dhe në Samitin e Parisit, Qeveria e Kosovës dhe Presidenti i Kosovës, çështjen e të drejtave të shqiptarëve në Luginën e Preshevës ta shtrojnë si agjendë të bisedimeve me Serbinë”, ka thënë ai.

    Partia për Veprim Demokratik (PVD), ka udhëhequr me komunën e Bujanocit, viteve të fundit. Por në zgjedhjet e së dielës, qytetarët i`a dhanë besimin Nagip Arifit, nga Partia Demokratike (PD).

    Lidhur me këtë, Kamberi ka thënë për Front Online, se do të analizojnë se pse u humbi besimi i qytetarëve të Bujanocit.

    “Ne sot e kemi një mbledhje të Kryesisë së partisë. Do ta analizojmë situatën. Sigurisht që nuk është mirë që nga një fitues absolut që ishim në zgjedhjet e fundit jemi zhvendosur në partinë e dytë për sa i përket partive shqiptare. Do ta bëjmë një analizë, do të vlerësojmë pozitën tonë aktualisht dhe do të shohim se cilët do të jenë hapat tonë të mëtutjeshëm”, ka thënë ai.

    Mustafa: Bashkimi ka bërë fuqinë, duhet të flasim njëzëri për të drejtat e shqiptarëve

    Kryetari i Këshillit Nacional të Shqiptarëve në Serbi, Ragmi Mustafa, në një intervistë për Front Online, ka vlerësuar që bashkimi i partive shqiptare në një listë të vetme, në zgjedhjet e së dielës në Serbi, ka simbolizuar fuqi.

    “Rezultatet e zgjedhjeve në Serbi ende nuk janë certifikuar, por sipas atyre preliminare tregojnë që bashkimi bën fuqi tek partitë politike shqiptare. Kuptohet që me ndihmën dhe me lehtësimin dhe bashkërendimit të ministrit për Evropën dhe për punë të jashtme, z.Gent Cakaj, 5 nga 6 partitë politike shqiptare kanë arritur në një platformë të përbashkët unike, për të përfaqësuar interesat e shqiptarëve në Luginën e Preshevës. Nga 21 lista sa kanë garuar në Parlamentin republikan, kanë qenë edhe Alternativa Demokratike Shqiptare- Lugina e Bashkuar e cila sipas këtyre rezultateve preliminare të siguruara ka 2 deputetë por do të presim deri në përfundimin e tyre e që është afër për të marr edhe deputetin e tretë”, ka thënë ai

    Mustafa ka theksuar, që Tirana ka pasur një rol aktiv në këtë proces.

    “Ajo që mund të theksoj është që në këto zgjedhje për herë të parë ka pasur një rol proaktiv të Tiranës që nuk ka qenë më parë dhe kjo natyrisht që ka ndikuar që të ketë këtë numër të votave”, ka thënë tutje ai.

    Se është e rëndësishme që partitë politike shqiptare të jenë të bashkuara dhe të flasin njëzëri për të drejtat e shqiptarëve në Luginë, e ka thënë edhe Ragmi Mustafa. Ai ka thënë që interesat e të gjithëve duhet të jenë të përbashkëta. /Front Online/

     

    20 mijë qytetarë të Gjakovës bëhen me rrjet të ri
    Nga Rubrika
    Lajme28 Mars 2024
    Shefi i Grupit Parlamentar të PDK’së, Abelard Tahiri, në “Frontal” të T7 ka folur për dështimin e themelimit të Komisionit hetimor parlamentar...
    Lajme28 Mars 2024
    Një situatë si ajo e Banjskës po paralajmërohet se mund të përsëritet. Drejtori i Policisë së Kosovës, Gazmend Hoxha, ka thënë se...
    Lajme28 Mars 2024
    Kuvendi i Kosovës ka rrëzuar rezolutën e opozitës për numrin e madh të kontratave njëburimore të nënshkruara gjatë mandatit të Qeverisë Kurti....
    Të tjera
    Bota/Rajoni28 Mars 2024
    Polonia ka hapur përkohësisht një pikë kufitare me Ukrainën, tha Kievi më 28 mars, përderisa përfaqësuesit qeveritarë u takuan në Varshavë për...
    Lajme28 Mars 2024
    Një person është therur rreth orës 7:30 të mëngjesit të enjten në Istog. Policia ka dalë në vendngjarje menjëherë dhe të lënduarin...
    Lajme28 Mars 2024
    Zëvendëskryeministri dhe ministri i Zhvillimit Ekonomik në Mal të Zi, Nik Gjeloshaj, tha se qëndrimi i Qeverisë është i qartë për qëndrimin...
    Lajme28 Mars 2024
    Kryeministri Albin Kurti bëri homazhe te familjet Bogujevci, Duriqi dhe Llugaliu në Podujevë dhe më pas shkoi në fshatin Izbicë të Skenderajt...
    Lajme28 Mars 2024
    Inspektorati Policor i Kosovës ka njoftuar se është suspenduar një zyrtar policor, i dyshuar për kontrabandë me mallra. Po ashtu, IPK ka...
    Bota/Rajoni28 Mars 2024
    Ish-kryeministri i Shqipërisë, Sali Berisha ka marrë pjesë nëpërmjet një lidhje të drejtpërdrejtë ndërsa ndodhet në arrest shtëpiak në aktivitetin dedikuar 15-vjetorit...

    FrontOnline, © 2024 Të gjitha të drejtat e rezervuara.