Lajme

Llapjani i infektuar me COVID-19 e sifdon shtetin, del pa maskë e doreza për të blerë bukë

Llapjani i infektuar me COVID-19 e sifdon shtetin, del pa maskë e doreza për të blerë bukë
14:36 | 23 Korrik 2020

Një rast jo i zakonshëm ka ndodhur ditën e djeshme me një qytetar nga Llapi, i cili doli nga shtëpia e tij ani pse ishte konfirmuar si i infektuar me COVID-19 dhe ishte i detyruar të vetizolohej.

Siç ka mësuar Reporteri.net, personi në fjalë ka dalë nga shtëpia e tij që ndodhet në fshatin Godishnjakë dhe ka shkuar në furrën e fshatit Shakovicë për të blerë bukë.

Ai, përveç që nuk kishte të drejtë të dilte jashtë, me vete nuk kishte pasur as maskë e as doreza.

Ndërkohë, është hapur rast lidhur me këtë shkelje, mirëpo personi akoma qëndron në shtëpi pasi nuk mund të intervistohet.

Ndryshe, Kosova po përballet me një hov të rritjes së rasteve me COVID-19. Vetë dje u konfirmuan 241 të infektuar.

EKSKULZIVE: Art Motion dhe Klan Kosova fitojnë të drejtën televizive të Superligës, Ligës së parë si dhe Kupës së Kosovës 

Të tjera