Auto

Lista me automjetet elektrike më të shitura në botë

Lista me automjetet elektrike më të shitura në botë
14:16 | 23 Nëntor 2022

Gjatë nëntë muajve të parë të vitit 2022, shitjet e makinave elektrike në botë arritën në 6.8 milionë njësi dhe vazhdojnë të rriten në tregjet kryesore. Sipas të dhënave të publikuara nga kompania konsulente Inovev, prodhuesi amerikan Tesla është lider absolut me një pjesë prej 21 për qind në tregun botëror të automobilave. Në vend të dytë është koncerni kinez i automobilave BYD (11%), dhe në vendin e tretë është grupi amerikan GM (9%).

Në gusht, makinat elektrike tashmë përfaqësonin 11% të tregut botëror, sipas Revija HAK.

Në dhjetëshen e parë sipas shitjeve mes prodhuesve të makinave elektrike, grupi i parë evropian, Volkswagen, është vetëm në vendin e katërt, i cili arriti të fitojë 7% të tregut këtë vit. Ata pasohen nga Hyundai/Kia (5%), grupi kinez Geely (4%), Renault-Nissan-Mitsubishi (4%), markat kineze Chery (4%) dhe GAC (4%) dhe grupi shumëkombësh Stellantis. (3%).

Markat e tjera evropiane që shfaqen në renditje janë BMW (3%) në vendin e 12-të dhe Mercedes (2%) në vendin e 15-të./FrontOnline/

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera