Futbollisti i Kosovës, Lirim Kastrati ka kontribuuar me një gol në fitoren e Legias së Varshavës në raundin e 1/32 së Kupës së Polonisë.
Kampionët e shumëfishtë polak triumfuan 1-3 kundër skuadrës së Suwalkit.
Anësori kosovar realizoi golin e dytë për skuadrën e tij në fraksionin e dytë të lojës.
Kastrati ishte në fushë nga minuta e parë, ndërsa u zëvendësua një minutë pa përfunduar koha e rregullt e takimit.
Vlen të theksohet se në fushë nga fillimi ishte edhe futbollisti tjetër shqiptar, Celhaka që u aktivizua vetëm pjesën e parë.
Ernest Muçi u inkuadrua në minutën e 56-të, por pa arritur të lë “gjurmë”.