[wp-story]

Lajme

Limaj: Nuk ka mosmarrëveshje në koalicion

Limaj: Nuk ka mosmarrëveshje në koalicion
18:06 | 10 Shtator 2020

Ka përfunduar takimi në mes të liderëve të partive politike të cilët janë pjesë e koalicionit qeverisës, raporton Front Online.
Pas përfundimit kryetari i Nismas Socialdemokrate, Fatmir Limaj tha se tema e takimit ka qenë puna e vazhdueshme e qeverisë dhe marrëveshja e arritur në SHBA.
Ai tha se nuk ka mosmarrëveshje për prishjen e koalicionit por ka nevojë për koordinim të vazhdueshëm.

“Ky është një takim i vazhdueshëm i partnerëve të koalicionit, biseduam për shumë qeshje e njëra ndër to ishte edhe marrëveshja. Më mirë është përfshirja e SHBA-së në këtë proces. Ideja e takimit ka qenë që të koordinohemi që ta përmbyllim me sa më shumë sukses”, tha ai.
Limaj pas takimit foli edhe për Liqenin e Ujmanit

“Liqenin e Ujmanit do ta menaxhoj Kosova. Mendoj se nuk ka mospajtime por ka nevojë për koordinim. Interesi jonë është të dalim më të fuqishëm. Ne jemi të kënaqur me delegacionin e Kosovës në SHBA”, tha ai.

Ndërsa i pyetur se a kanë diskutuar për postin e presidentit partnerët e koalicionit, Limaj tha se kjo çështje nuk ka qenë temë e diskutimit.
“Çështja e presidentit nuk ka qenë Temë e diskutimit”, tha ai.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera