[wp-story]

Lajme

Likaj: 2020 vit aspak i lehtë, por ne e përmbyllëm me shumë të arritura

Likaj: 2020 vit aspak i lehtë, por ne e përmbyllëm me shumë të arritura
12:26 | 31 Dhjetor 2020

Ministri i Arsimit, Shkencës, Ramë Likaj në një postim në Facebook ka uruar qytetarët për fundvit.

Ai tha se po e lëmë pas një vit aspak të lehtë, megjithatë, edhe në kushte të tilla të pandemisë COVID-19, kanë arritur ta përmbyllin këtë vit me shumë të arritura në arsim.

Postimi i plotë:

Të dashur nxënës dhe mësimdhënës,

Të dashur qytetarë të Kosovës,

Po lëmë pas një vit aspak të lehtë për ne, për gjithë botën! Megjithatë, edhe në kushte të tilla të pandemisë COVID-19, ne arritëm ta përmbyllim këtë vit me shumë të arritura në arsim. Bashkë arritëm t’i mbajmë shkollat hapur për fëmijët tanë, por edhe të punojmë për ngritje të cilësisë në arsim, krahas përkushtimit që ta menaxhojmë situatën.

Tash, kur po përshendetemi më këtë vit të vështirë, dua të falënderoj nxënësit, mësimdhënësit, prindërit, stafin e MASh, DKA-ve, SBAShK-ut, Këshillit të Prindërve dhe të gjitha institucionet, shoqërinë civile dhe mediet, që mundësuan një vit të sukseshëm në arsim edhe pse në kushte të vështira!

Paçim një vit të ri me shëndet e shumë suksese!

GËZUAR 2021!

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera