Paneli Zgjedhor për Ankesa dhe Parashtresa ka pranuar 21 ankesa në lidhje me procesin e djeshëm zgjedhor.

Kështu ka bërë të ditur kryesues i Sekretariatit të PZAP-it, Mul Desku, për FrontOnline.

“Ju informoj se dje ne ditën e zgjedhjeve te 17 tetorit  2021 PZAP-i ka pranuar 21 ankesa nga subjekte te ndryshme politike”, tha ai.

Desku, tha se Lëvizja Vetëvendosje deri më tani ka bërë disa ankesa ndaj disa subjekteve politike.

1. LVV kundër LDK = 6 ankesa.
2. LVV-AAK = 1 ankesë,
3. LVV kundër IQ për Obiliqin = 2 ankesa”.

Lidhur me ankesat për procesin e djeshëm zgjedhorë, partitë politike kanë të drejtë të ankohen deri sot në ora 19:00, tha Desku, për FrontOnline

“PZAP-i lidhur me parregullsitë për ditën e zgjedhjeve, pranon ankesa sot deri ne ora 19:00 datë 18.10.2021 qe i bie se palët kane te drejte me paraqit ankesa ne PZAP 24 ore nga momenti i mbylljes së Qendrave të Votimit, ndërsa PZAP-i këto ankesa i shqyrton brenda afatit prej 72 orëve pas dorëzimit te tyre”, tha ai.

Lexo edhe:

Parregullsitë në zgjedhje/ Mbi 20 ankesa parashtruan subjektet politike në PZAP