Mesfushori shqiptar, Granit Xhaka po vazhdon fazën e rikuperimit pas lëndimit që pësoi javë më parë.

Arsenali nëpërmjet faqes zyrtare ka dhënë detaje të reja në lidhje me gjendjen e reprezentuesit të Zvicrës.

“Topçinjtë” kanë potencuar se qëllimi i Granit Xhakës është rikthimi në stërvitje para fundit të vitit.

“Gjuri i djathtë. Granit po bën përparim të mirë në fazat fillestare të shërimit të tij nga një dëmtim mesatar i ligamentit të gjurit të pësuar në 26 shtator. Qëllimi aktual është që Granit të kthehet në stërvitje të plotë herët në Vitin e Ri”, thuhet në njoftim.

Arsenali sonte do të përballet me Crystal Palacen në “Emirates Stadium” nga ora 21:00, në kuadër të javës tetë në Premierligë.

Granit Xhaka u lëndua në takimin kundër Tottenham Hotspur pas një përplasje me Lucas Mouran.