Lajme

LDK-ja dërgon tri ankesa në PZAP kundër Lëvizjes Vetëvendosje

LDK-ja dërgon tri ankesa në PZAP kundër Lëvizjes Vetëvendosje
16:11 | 18 Tetor 2021

Paneli Zgjedhor për Ankesa dhe Parashtresa ka pranuar 21 ankesa në lidhje me procesin e djeshëm zgjedhor.

Kështu ka bërë të ditur kryesues i Sekretariatit të PZAP-it, Mul Desku, për FrontOnline.

“Ju informoj se dje ne ditën e zgjedhjeve te 17 tetorit 2021 PZAP-i ka pranuar 21 ankesa nga subjekte te ndryshme politike”, tha ai.

Desku tha se Lidhja Demokratike e Kosovës, deri më tani ka bërë tri ankesa ndaj Lëvizjes Vetëvendosje.

“LDK-ja kundër LVV = 3 ankesa”, tha ai për Front Online.

Lidhur me ankesat për procesin e djeshëm zgjedhorë, partitë politike kanë të drejtë të ankohen deri sot në ora 19:00, tha Desku, për FrontOnline

“PZAP-i lidhur me parregullsitë për ditën e zgjedhjeve, pranon ankesa sot deri ne ora 19:00 datë 18.10.2021 qe i bie se palët kane te drejte me paraqit ankesa ne PZAP 24 ore nga momenti i mbylljes së Qendrave të Votimit, ndërsa PZAP-i këto ankesa i shqyrton brenda afatit prej 72 orëve pas dorëzimit te tyre”, tha ai.

Cilësi, gatim dhe shpërblim

Të tjera