Lajme

“LDK e AAK po bëjnë akt tradhëtie për çështjen e Ujmanit”

“LDK e AAK po bëjnë akt tradhëtie për çështjen e Ujmanit”
14:45 | 07 Shtator 2020

Zëdhënësi i PDK-së, Avni Bytyçi ka kritikuar ashpër krerët e LDK dhe AAK duke e cilësuar veprimi skandaloz të Kryeministrit Avdullah Hoti dhe Ramush Haradinaj që Ujmani të shqyrtohet si çështje e pazgjidhur me Serbinë.Bytyçi tha se ky veprim i Hotit e Haradinajt është kundër kushtetues, “akt i qartë tradhtie ndaj karakterit unitar të shtetit të Kosovës”.Ai tha se PDK u akuzua nga të gjithë, për një dekadë sipas tij PDK iu kanë veshur gënjeshtra.

E PDK tha se nuk ka nënshkruar kurr dokument që ka cenuar Kosovën dhe integritetin e sovranitetin e saj.Ky është postimi i tij i plotë në facebook:Partia Demokratike e Kosovës, është akuzuar për një kohë të gjatë nga LDK-ja, AAK-ja dhe Lëvizja Vetëvendosje për cenimin e tërësisë territoriale dhe kompromise në dëm të Kosovës

Për një dekadë me radhë, shumë gënjeshtra ia kanë veshur PDK-së dhe lidershipit të saj për këtë.

Mirëpo e vërteta e pa kontestueshme e faktike, është se PDK, kurrë nuk ka vendosur nënshkrim në ndonjë dokument në çfarëdo formati që ka cenuar Kosovën, integritetin dhe sovranitetin e saj.Veprimi skandaloz i Kryeministrit Hoti dhe z. Haradinaj që Ujmani të shqyrtohet si çështje e pazgjidhur me Serbinë, është kundër kushtetues, akt i qartë tradhtie ndaj karakterit unitar të shtetit të Kosovës.Qeveria e Kosovës nën udhëheqjen e PDK-se ka bërë dialog me Serbinë, por, ky dialog i ka sjellë mbi 100 njohje ndërkombëtare Kosovës, ka mundësuar formimin e Ushtrisë së Kosovës dhe mbi të gjitha e ka fuqizuar subjektivitetin e saj ndërkombëtar.Të gjitha temat që i ka mbyllur PDK-ja në emër të Kosovës, sot në nivelin teknik po ri-hapen nga LDK-ja dhe AAK-ja në dialogun e tyre teknik në Bruksel me Vuçiqin.

Kush ështe kosovari THE VICTOR që synon tregun e jashtëm? (video)

Të tjera