Lajçak s’flet sot për takimet e zhvilluara: Rrëfehem nesër para gazetarëve

Lajçak duket se nuk do të largohet që sot nga Kosova. Emisari special i Bashkimit Evropian për dialogun ka paralajmëruar se pas takimeve të zhvilluara me krerët e institucioneve në Kosovë dhe me liderët e partive politike, nesër do t’u përgjigjet pyetjeve të gazetarëve.

Pas takimit që e pati në selinë e Lëvizjes Vetëvendosje, Lajçak u ndal para gazetarëve dhe tha se për zhvillimet e sotme detajet do t’i japë nesër.

“Rrëfehem nesër para gazetarëve”, ka deklaruar shkurtimisht Lajçak.

Para vizitës në LVV, Lajçak u takua edhe me presidentin Hashim Thaçi, ndërsa dje në takime të ndara i takoi edhe kryeministrin Avdullah Hoti dhe kryeparlamentaren Vjosa Osmani.

Natën e Kurban Bajramit Petrol Company shpërndan 40 pako ushqimore për fëmijët jetim në Kosovë

Sponsoruar