Aktorja e famshme e Hollivudit, Elizabeth Hurley, duke folur për revistën ‘Women’s Health’, tha se është e vetëdijshme për rëndësinë e kujdesit për shëndetin, për shkak të historisë familjare. Në vitin 1992, gjyshja e saj humbi jetën si pasojë e kancerit të gjirit dhe në vitin 1995 ajo u bë ambasadore e fushatës globale për Kancerin e Gjirit nga ‘Estée Lauder’, një grup me të cilin vazhdon punon ende. Tre janë sekretet e Elizabeth për një jete të shëndetshme.

Hidratimi

Aktorja pi dy gota me ujë të ngrohtë, çdo mëngjes. “Është pak e shpifur”. Por është fantastik për aparatin tretës”, tha bukuroshja. Edhe pse duket e çuditshme, ekspertët thonë se pirja e dy gotave ujë të ngrohtë është një mënyrë e mirë për të nisur ditën të hidratuar. Elizabeth mban një shishe ujë në çantë ose pranë tryezës ku punon, për t’i kujtuar vetes që duhet të qëndrojë e hidratuar.

Ushqimi

Ushqimi i Elizabeth është me bazë bimore. Në mëngjes, pas stërvitjes, ha kos, banane dhe pak mjaltë. Në drekë, zakonisht supë me perime, ndërsa në darkë pak pulë të pjekur dhe shumë, shumë perime.

Jo dietës

Regjimi ushqimor i saj nuk ka lidhje me dietat e zakonshme. “Jam mësuar që kur ulem, të lë telefonin dhe të shijoj ushqimin. Gjithë sekreti qëndron te tretja”, thotë ajo./FrontOnline/