Një pjesëtar i Forcës së Sigurisë së Kosovës i dha fund jetë së tij, duke shtënë me armë në drejtim të vetës.
Ngjarja tragjike ndodhi sonte në lagjen ‘Arbëria’ në Prishtinë.
Rasti në fjalë është konfirmuar edhe nga Policia e Kosovës, të cilët kanë deklaruar se me të marrë informatën kanë filluar të merren nga afër me këtë ngjarje.
Ndërsa, Ibrahim Shala, drejtor i Zyrës për Marrëdhënie me Publikun, ka konfirmuar se bëhet fjalë për kolonel Gyner Murati.“Po e konfirmojmë lajmin, se ka ndodhur rasti tragjik ku oficeri i FSK-së kolonel Gyner Murati ka bërë vetëvrasje. Policia e Kosovës dhe e FSK-së janë duke u marrë me rastin. Për çdo informacion të ri do t’ju njoftojmë me kohë”, ka thënë ai.