×
  • Lajme
  • Front TV
  • Front TV

    Kuvendi edhe sot pritet të votojë për Projektligjin për Rimëkëmbje Ekonomike

    FrontOnline
    28 Shtator 2020

    Deputetët e Kuvendit të Kosovës do të provojnë sërish gjatë ditës për të votuar në parim Projektligjin për Rimëkëmbje Ekonomike. Përkundër që në rend të ditës ishte vetëm zgjedhja e Avokatit të Popullit të zgjedhurit e popullit me shumicë votash vendosën që gjitha projektligjet që kanë mbetur të hapura nga seancat e kaluara të hedhen në votim sërish në seancën e sotme.

    Ky propozim erdhi nga shefi i grupit parlamentar të LDK-së, Arben Gashi.

    “I propozoj seancën që pas votimit të Avokatit të Popullit të përsërisim votimet që kanë mbetur hapur. Të tentojmë që çështjet që janë të hapura t’i mbyllim. Pra kërkoj që pas votimit të avokatit të popullit të hymë në votim për çështjet që kanë mbetur nga seancat e kaluara me prioritet Projektligji për Rimëkëmbjen Ekonomike”, tha ai.

    Ani pse u pajtua që të futen në rend të ditës këto pika, shefi i grupit parlamentar të LVV-së, Rexhep Selimi iu drejtua mazhorancë që t’i kenë votat e nevojshme, e jo t’i “mundojë” ata duke mos i pasur numrat në Kuvend.

    “Ne edhe atë ditë nuk kemi qenë kundër që të krijohet mundësia që deputetët të votojnë ashtu siç e ndjejnë. Pajtimi jonë për votuar sa herë që mendon grupi parlamentar që përfaqëson mazhorancën këtu edhe mund të bëjmë. Por ndoshta duhet të kërkojmë nga LDK-ja të bëjnë këtë jo për të testuar dhe provuar, e lodhur neve. Por kur i kanë votat të provojnë, po shpresoj që kësaj here i kanë votat”, tha ai.

    Ndërkaq, shefi i grupit parlamentar të PDK-së Bedri Hamza kërkoi që të votim të futen edhe projektligjet tjera që kanë mbetura të hapura.

    “Nëse kthehen në votim pikat e papërfunduara nga seancat e kaluara atëherë për me qenë korrekt, pasi nuk mund të themi se ky ligj është më i rëndësishmi se tjetri, pasi secili e ka rëndësinë e vet. Ne kërkojmë që gjitha pikat e papërfunduara të futen në votim”, tha ai.

    Me këtë u pajtua edhe Teuta Haxhiu nga AAK.

    “Edhe ne jemi të mendimit që gjitha pikat e papërfunduara të hyjnë në votim sot”, tha ajo.

    Projektligji për Rimëkëmbje Ekonomike në javën e kaluar ka dështuar tri herë të votohet për shkak se koalicioni qeverisës nuk i ka pasur votat e nevojshme. Kurse dy partitë opozitare LVV dhe PDK kanë qenë të përmbajtura nga votimi për këtë projektligj.

     

    https://www.facebook.com/FrontOnlineMedia/videos/1723340547842603/

    Nga Rubrika
    Lajme18 Shkurt 2025
    Politologu Agon Maliqi ka vlerësuar lartë figurën e ish-presidentit të Kosovës, Hashim Thaçi. Ai ka bërë me dije se në politikë të...
    Lajme18 Shkurt 2025
    Sociologu, Bekim Selishta, për FrontOnline e sheh si rrezik ikjen e qytetarëve nga Kosova, madje thotë se pjesa që është larguar nga...
    Lajme18 Shkurt 2025
    Presidentja e Republikës së Kosovës, Vjosa Osmani, ka pranuar një mesazh urimi nga Presidenti i Austrisë, Alexander Van der Bellen, me rastin...
    Të tjera
    Lajme18 Shkurt 2025
    Komisioni Qendror i Zgjedhjeve ka njoftuar se të martën do të vazhdojë numërimi i votave të kandidatëve për deputetë në 19 Qendra...
    Lajme18 Shkurt 2025
    Nga viti 2012 e deri me 2023, rreth 350 mijë qytetarë janë larguar nga Kosova. Veçmas, ikja më e madhe e qytetarëve...
    Bota/Rajoni18 Shkurt 2025
    ShBA dhe Rusia do të zhvillojnë bisedime në Arabinë Saudite për luftën në Ukrainë – diskutimet e para ballë për ballë midis...
    Lajme18 Shkurt 2025
    Vazhdon sot procesi gjyqësor në rastin Thaçi dhe të tjerët në Hagë. Seanca është paraparë të fillojë në ora 09:00 dhe të...
    Lajme18 Shkurt 2025
    Sot parashihet të mbajë mot me diell dhe vranësira të shpërndara. Sipas Institutit Hidrometeorologjik të Kosovës, temperaturat minimale do të zbresin nga...
    Lajme17 Shkurt 2025
    Procesi i numërimit të votave për zgjedhjet e 9 shkurtit po shkon drejt fundit. IndeksOnline ka siguruar një listë me rezultatet deri...

    FrontOnline, © 2025 Të gjitha të drejtat e rezervuara.