Kush votoi pro dhe kundër kandidimit të Avdullah Hotit për kryeministër?

Lidhja Demokratike e Kosovës, gjatë ditës së djeshme në mbledhjen e Kryesisë ka vendosur që kandidat për kryeministër ta vendos, Avdullah Hotin.

Ndërsa, pas kësaj kandidatura e Hotit për kryeministër është dërguar edhe në Këshillin e Përgjithshëm për votim.

E, nga 94 anëtarë të Këshillit, 92 kanë votuar pro, një kundër dhe një ka abstenuar.

Komunikata e plotë:

Të nderuar anëtarë, aktivistë dhe simpatizantë të LDK-së,

Nga 94 anëtarë të Këshillit të Përgjithshëm të LDK-së që kanë marrë pjesë në votim, nëntëdhjet e dy (92)  kanë votuar për propozimin e Kryesisë së LDK-së, që z. Avdullah Hoti të jetë kandidati ynë për Kryeministër në zgjedhjet e ardhshme parlamentare, një (1) ka votuar kundër dhe një (1) ka abstenuar.

Këshilli i Përgjithshëm me shumicë të nevojshme të votave, përcakton z. Avdullah Hoti për kandidat për Kryeministër në zgjedhjet e ardhshme të jashtëzakonshme.

Urime!/FrontOnline/

Petrol Company në muajin e shenjtë të Ramazanit, dhuron pako ushqimore per familjet nevojtare në qytetin e Vitisë

Sponsoruar