Kryetari i i Kuvendit të Odës Ekonomike të Kosovës Ruzhdi Kurtishaj, është takuar sot me ministrat e Turizmit të Kosovës dhe Shqipërisë, ku kanë biseduar rreth turizmit në kushtet e pandemisë COVID-19, shkruan Front Online.

Këtë e ka bërë të ditur vetë Kurtishaj përmes një postimi në Facebook.

Kurtishaj, që njëkohësisht është edhe pronar i kompanisë Sharr Travel, ka thënë se Pusho Shqip është motoja e këtij viti.

“Pusho Shqip, është motoja e këtij viti, që na bashkon e që duhet ta ndajmë si mesazh për të gjithë për të shijuar, pushuar, eksploruar, vizituar”, ka shkruar Kurtishaj.

Postimi i Kurtishajt:

Sot pata kënaqesinë të isha në një takim të përbashkët me Ministrat e Turizmit të Shqipërisë?? e Kosovës??dhe me prefektët e kryetarët e bashkive e zonave turistike të verës 2020 ?, nga Prizreni e deri në Sarandë.
ishte një takim mirëorganizuar me tour operatorë e agjenci turistikë në angazhimin e përbashkët për të bërë më të mirën e mundur për turizmin shqipfolës, në kushtet e vështira të COV-id 19.
Pusho Shqip, është motoja e këtij viti, që na bashkon e që duhet ta ndajmë si mesazh për të gjithë për të shijuar, pushuar, eksploruar, vizituar