×
  • Lajme
  • Lajme

    Kurti: Qeveria Koti dhe lidhja aspak demokratike në pushtet, s`janë akademia por pandemia e Kosovës

    FrontOnline
    29 Gusht 2020

    Lideri i Lëvizjes Vetëvendosje, Albin Kurti, përsëri ka kritikuar ashpër qeverisjen e Avdullah Hotit, duke thënë se partitë e koalicionit bashkëqeverisës po cënojnë edhe shëndetin publik.

    Përmes një postimi në rrjetin social Facebook, Kurti ka krahasuar menaxhimin e pandemisë në kohën kur ai qeveriste me vendin dhe tani kur me shtetin udhëheqë Hoti i LDK-së.

    Ai konsideron se LDK dhe kryeministri Hoti nuk janë akademia e Kosovës, por pandemia e saj.

    Postimi i tij i plotë:

    La gestion macabre

    Raportimet vizuele nga dy medie ndërkombëtare e ilustrojnë qartë kontrastin në menaxhimin e pandemisë COVID-19 te ne. I pari, infografi (shih në fund të tekstit), është i 28 gushtit nga bloomberg.org, ku Kosova prin në botë për numrin e vdekjeve për 1 milion banorë. E dyta, videoja (https://youtu.be/aeT02XSCqoo), është e 13 majit nga MSNBC, ku te minuti 2:45 Kosova përmendet në mesin e shteteve më të suksesshme.

    Në datën 13 maj, pikërisht kur qeveria jonë e mirë i pat mbushur 100 ditë, gazetari amerikan, për të shpalosur gjendjen e rëndë të krijuar nga virusi Corona në ShBA, merrte si shembull të shkëlqyer disa shtete mes të cilave edhe Kosovën. Shembujt që citonte dëftonin më së miri se menaxhimi i mirë i rrezikut të virusit Corona nuk varej nga fuqia apo madhështia e shtetit, por nga përgjegjësia e qeveritarëve të tij.

    Që atëherë kanë kaluar më shumë se 100 ditë, e së shpejti do bëhen 100 ditët e qeverisë koti. Nga mediat ndërkombëtare po marrim statistika të përmbysura. Kosova sot nuk është as shembull i mirë e as shembulli i keq, por thjesht vendi që mban rekordin e numrit të vdekjeve prej virusit.

    Qytetarët e Kosovës e kanë kuptuar se formimi i paligjshëm i një qeverie që ka mbledhur bashkë tërë përgjegjësit për hajninë 20 vjeçare të subjektivitetit politik dhe ekonomik të shtetit tonë, nuk ndalet vetëm në keqadministrimin e pasurive të vendit, as në dëmtimin e institucioneve, por edhe në dëmtimin fizik dhe psikologjik të popullsisë së vet. Qeveritarët e ardhur nga të gjitha partitë humbëse kanë mendjen të ndajnë postet dhe tenderat. Partitë tradicionale të korrupsionit, kur nuk e kanë më mundësinë të mashtrojnë votuesin, nuk ndalen më me vrasjen e ndërmarrjeve publike e institucioneve shtetërore, por cënojnë pa kthim edhe shëndetin publik.

    Afër 100 ditët e ‘institucionalizmit’ dhe akademikëve të propaganduar nuk ushqejnë trurin, por rrënojnë trupin. Qeveria koti dhe lidhja aspak demokratike në pushtet nuk janë akademia e Kosovës, por pandemia e saj.

    Kuadro të këtilla institucionaliste me shumë përvojë në menaxhim? Jo, falemnderit.

    https://www.facebook.com/albini2017/posts/948942132272338

    Nga Rubrika
    Lajme14 Korrik 2025
    Pritet që sot të shpallet aktgjykimi në shkallën e dytë ndaj Pjetër Shalës pas ankesës që është bërë ndaj vendimit të Gjykatës...
    Lajme14 Korrik 2025
    Sot në Kosovë pritet të mbajë mot me diell dhe shumë i nxehtë veror. Priten edhe vranësira lokale dhe rrallëkund ndonjë rigë...
    Lajme14 Korrik 2025
    Qendra Kombëtare për Menaxhim Kufitar ka përditësuar të dhënat sa i përket fluksit në kufi. Aktualisht pritjet për të hyrë po zgjasin...
    Të tjera
    Lajme13 Korrik 2025
    Derisa Gjykata Komerciale aprovoi kërkesën për masë sigurie, respektivisht pezullim të vendimit të ZRRE-së për hapjen e tregut të energjisë elektrike për...
    Bota/Rajoni13 Korrik 2025
    Disa persona janë plagosur pas të shtënave me armë në shtetin amerikan të Kentucky-t. Guverantori i Kentucky-t, Andy Beshear, tha se është...
    Lajme13 Korrik 2025
    Ferizaj po përballet me mungesë uji për shkak të temperaturave të larta. Kompania “Bifurkacioni” thotë se është detyruar të zbatojë reduktime, ndërsa...
    Bota/Rajoni13 Korrik 2025
    Një avion është rrëzuar në Aeroportin e Londrës. Policia e Essex tha për BBC-në se u njoftua për një aeroplan 12 metra lart...
    Lajme13 Korrik 2025
    Analisti Visar Ymeri nxori së fundi disa strategji të komunikimit dhe organizimit që, sipas tij, janë përdorur nga Albin Kurti dhe një...
    Sport13 Korrik 2025
    Chelsea po avancon me rezultat të thellë 3-0 pas pjesës së parë ndaj Paris Saint-Germainit në finale të Kupës së Botës për...

    FrontOnline, © 2025 Të gjitha të drejtat e rezervuara.